قر ءبىلىم جانە عىلىم ءمينيسترى اسحات ايماعامبەتوۆ تسەلينوگراد اۋدانىنىڭ تالاپكەر اۋىلىنىڭ جالپى ورتا ءبىلىم بەرەتىن مەكتەبىنىڭ سوڭعى قوڭىراۋ سالتاناتتى جيىنىنا قاتىستى, دەپ حابارلايدى Egemen.kz.
اقمولا وبلىستىق ءبىلىم باسقارماسىنىڭ مالىمەتىنشە, تالاپكەر ورتا مەكتەبى 2012 جىلى پايدالانۋعا بەرىلگەن.
مەكتەپ 900 ورىندىق, قازىرگى كەزدە وندا 1865 وقۋشى ءبىلىم الىپ جاتىر. تالاپكەرلىك مەكتەپ وقۋشىلارى ءار ءتۇرلى رەسپۋبليكالىق, وبلىستىق سايىستارعا قاتىسىپ, جۇلدەلى ورىندارعا يە بولۋدا.
بيىل مەكتەپتى 75 تۇلەك بىتىرگەلى وتىر, ال تاعى 123 – 9 سىنىپتىڭ وقۋشىلارى. ونىڭ ىشىندە 4 «التىن بەلگى», 6 ۇزدىك اتتەستاتقا ۇمىتكەرلەر بار.