وقىس وقيعا تالعار اۋدانى بەساعاش اۋىلىندا بولعان. وقۋشى بالا «نۇريا» تۇرعىن ءۇي كەشەنىنىڭ 9 قاباتىنان قۇلاپ كەتكەن, دەپ حابارلايدى Egemen.kz.
مارقۇم قۇرىلىسى تولىق اياقتالماعان كوپقاباتتى ءۇيدىڭ توبەسىنە شىعىپ ويناعان.
«ەكى قابىرعانىڭ اراسىندا ساڭىلاۋ جۇقا قاڭىلتىرمەن جابىلعان. قابىرعالار اراسىنداعى قاشىقتىق شامامەن 20-30 سم جانە وسى پاراققا باسىپ, بالا ۇيلەر اراسىنداعى ساڭىلاۋعا ءتۇسىپ كەتكەن», دەدى الماتى وبلىسى تالعار اۋدانى اكىمدىگىنىڭ ءباسپاسوز قىزمەتى.
وقيعا 24 مامىر كۇنى كۇندىز بولعان. كۋاگەرلەردىڭ سوزىنشە بالا ارماتۋراعا قادالىپ قالعان كورىنەدى. اۋدان اكىمى قايدار ابدىحانوۆ وقيعا ورنىنا بارىپ, ءتيىستى قاۋىپسىزدىك شارالارىن قامتاماسىز ەتۋدى تاپسىردى. قايعىلى جاعداي بويىنشا تەكسەرىس باستالدى.