ەلوردا اكىمى Instagram پاراقشاسىندا بالالاردى قوسىمشا بىلىممەن قامتۋ جۇمىستارى قالاي جۇرگىزىلىپ جاتقانى تۋرالى ايتتى, دەپ حابارلايدى Egemen.kz.
«ساپالى ءبىلىم بەرۋ مەن وقۋشىلاردىڭ جان-جاقتى دامۋى ءۇشىن مەكتەپتەردى سالىپ, ولاردى جوندەۋدەن باسقا, قوسىمشا ءبىلىم بەرۋدى دامىتۋعا ەرەكشە نازار اۋدارۋ قاجەت. مەملەكەت باسشىسىنىڭ تاپسىرماسىنا سايكەس بالالاردى قوسىمشا بىلىممەن بارىنشا قامتۋ بويىنشا جۇمىستار جۇرگىزىلىپ جاتىر. بالالاردىڭ سپورتتىق, شىعارماشىلىق جانە زياتكەرلىك الەۋەتىن ىسكە اسىرۋى ماڭىزدى.
بۇگىن بىرقاتار كوپبەيىندى قوسىمشا ءبىلىم بەرۋ ورتالىقتارىنىڭ جۇمىس بارىسىمەن تانىستىم. ونىڭ ىشىندە جەلەزنودوروجنىي ەلدى مەكەنىندەگى ورنالاسقان تەحنيكالىق شىعارماشىلىق ورتالىعى بار. عيمارات بۇرىن بوس تۇرسا, قازىر جوندەلىپ, قوسىمشا ءبىلىم بەرەتىن ورتالىققا اينالدى (ج.جاباەۆ كوشەسى, 27). اتالمىش قوسىمشا ءبىلىم بەرۋ ورتالىعىندا روبوتوتەحنيكامەن, اۆيامودەلدەۋمەن, تەحنيكالىق ديزاينمەن, قولونەرمەن, موتوكروسپەن جانە ت. ب. اينالىسۋ ءۇشىن بارلىق جاعداي جاسالعان. ورتالىقتىڭ 30-دان استام فيليالى جۇمىس ىستەيدى. ولار قالا ىشىندە دە, ەلدى مەكەندەردە دە ورنالاسقان. 7 جاستان 18 جاسقا دەيىنگى بالالار ورتالىققا تەگىن بارا الادى», دەپ جازدى ەلوردا اكىمى.
سونىمەن قاتار م.وتەمىسوۆ اتىنداعى وقۋشىلار سارايىندا بولىپ, جۇمىسىمەن تانىسقانىن, ء(ا.مامبەتوۆ كوشەسى, 1). مۇندا كۇردەلى جوندەۋ جۇمىستارى جۇرگىزىلىپ, قوسىمشا ۇيىرمەلەر اشىلعانىن ايتتى.
«كوركەم جانە الەۋمەتتىك شىعارماشىلىقتى, دەنە شىنىقتىرۋ مەن سپورتتى دامىتۋ ءۇشىن بارلىق جاعداي جاسالعان. ورتالىقتا لينگۆيستيكا, دومبىرا, شاحمات, توعىزقۇمالاق, روبوتوتەحنيكا, ۆيدەوگرافيكا, سپورت سەكتسيالارى (باسسەين, باسكەتبول) جانە ت. ب. كابينەتتەر بار.
بالالاردى قوسىمشا بىلىممەن قامتۋدا اۋلا كلۋبتارى دا كومەكتەسەدى. بۇگىندە نۇر-سۇلتاندا 28 اۋلا كلۋبى جۇمىس ىستەپ تۇر, ال ولاردىڭ تاربيەلەنۋشىلەرىنىڭ سانى شامامەن 3 مىڭ بالانى قۇرايدى.
ەگەر مەكتەپ قۇرىلىسى تۋرالى ايتاتىن بولساق, بيىل 16 ءىرى مەكتەپ سالامىز. ولار بيىل 40 مىڭنان استام جاڭا وقۋشى ورنىن قۇرۋعا مۇمكىندىك بەرەدى. بۇل وتكەن جىلمەن سالىستىرعاندا 2 ەسە كوپ.
كەشەندى جوسپار اياسىندا بەس جىل ىشىندە 50-گە جۋىق مەملەكەتتىك مەكتەپ سالامىز. سونداي-اق مەكتەپ قۇرىلىسىنا جەكە ينۆەستيتسيالار تارتامىز. ينۆەستيتسيالىق كەڭەستەردە 30-دان استام جەكەمەنشىك وقۋ ورىندارىنىڭ قۇرىلىسى قولداندى.
بيىل قوسىمشا جاڭا وقۋشىلار سارايى عيماراتىنىڭ قۇرىلىسىن باستايمىز», دەپ جازدى ەلوردا اكىمى.