«نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم نۇر-سۇلتان قالاسى پد اكىمشىلىك پوليتسيا باسقارماسىمەن بىرلەسىپ قانىش ساتباەۆ كوشەسىندە ورتاشا جوندەۋ جۇمىستارىن باستادى, دەپ حابارلايدى Egemen.kz.
جوندەۋ جۇمىستارىنا بايلانىستى وسى جىلدىڭ 24 مامىرىنان 5 ماۋسىمىنا دەيىن تالعار كوشەسىنەن وباعان كوشەسىنە دەيىنگى ۋچاسكەدە ءىشىنارا كولىك قوزعالىسى شەكتەلەتىن بولادى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز», دەلىنگەن حابارلامادا.