استانا جانە قوياندى سۋ قويمالارى قورعاۋعا الىندى

بۇل جۇمىستار تابيعي اۋماقتاردىڭ بەكىتىلگەن ۋچاسكەلەرىندە بيولوگيالىق رەسۋرستاردى ءتيىمدى پايدالانۋ ماقساتىندا جۇرگىزىلەدى. 

بالىق اۋلاۋ ەرەجەلەرىنىڭ ساقتالۋىن, سەنىپ تاپسىرىلعان اۋماقتىڭ جاي-كۇيىن باقىلاۋدى جۇزەگە اسىراتىن قورىقشىلىق قىزمەتكە بەلگىلى ءبىر باعىت بەكىتىلگەن. 

قورىقشىلىق قىزمەت ءبىر مەزگىلدە كۇزەتىلەتىن اۋماقتاعى وسىمدىكتەر مەن جانۋارلار دۇنيەسىنىڭ جاي-كۇيىنە باقىلاۋ جۇرگىزەدى. بالىق اۋلاۋ اۋەسقويلارى اراسىندا ءتيىستى ەرەجەلەردى ساقتاۋ, سونداي-اق سۋ قويمالارىنىڭ سانيتارلىق تازالىعىن ساقتاۋ بويىنشا پروفيلاكتيكالىق ءتۇسىندىرۋ ۇنەمى جۇرگىزىلەدى. سۋ قويمالارىن براكونەرلىكتەن قورعاۋ, جاعاسىن قوقىستان تازارتۋ, سول سياقتى قوياندى جانە استانا سۋ قويمالارى اۋماعىنىڭ لاستانۋىنا جول بەرمەۋ بويىنشا الدىن الۋ جۇمىستارى بەلسەندى جۇرگىزىلۋدە. 

بيىل «تازا تابيعات» ۇلتتىق جوباسىنىڭ اياسىندا وتكىزىلەتىن «تازا سۋ ايدىندارى» ەكولوگيالىق اكتسياسىنىڭ ءىس-شارالارىن ىسكە اسىرۋ شەڭبەرىندە «قر ەكولوگيا, گەولوگيا جانە تابيعي رەسۋرستار مينيسترلىگى بالىق شارۋاشىلىعى كوميتەتىنىڭ ەسىل وبلىسارالىق باسسەيندىك بالىق شارۋاشىلىعى ينسپەكتسياسى» رمم-مەن بىرلەسىپ استانا جانە قوياندى سۋ قويمالارىندا بالىق اۋلاۋ قاعيدالارىندا رۇقسات ەتىلمەگەن اۋلاۋ قۇرالى رەتىندە تاستالعان 2 اۋ (سينتەتيكالىق مونوجىپتەردەن جاسالعان) تابىلدى. سونىمەن قاتار, ءار سۋ قويماسىنىڭ اۋماعىندا 100 قاپ قوقىس جينالدى. 

ايتا كەتۋ كەرەك, 15 ءساۋىر مەن 15 مامىر ارالىعىندا شورتان, اققايران جانە كوكسەركە سياقتى بالىق تۇرلەرىن اۋلاۋعا تىيىم سالىندى. 20 مامىردان 20 ماۋسىمعا دەيىن تۇقى بالىق تۇرلەرىن اۋلاۋعا تىيىم سالىنادى. 

ۋىلدىرىق شاشۋ كەزەڭىندە ينسپەكتورلارمەن بىرلەسىپ, قۇقىق قورعاۋ, تابيعات قورعاۋ ورگاندارىنىڭ وكىلدەرىن جۇمىلدىرا وتىرىپ, رەيدتەر جۇرگىزەدى. شەكتەۋلەر مەن تىيىمداردى بۇزعانى ءۇشىن قولدانىستاعى زاڭنامادا 10-نان 20 اەك-كە دەيىن اكىمشىلىك جانە قىلمىستىق جاۋاپكەرشىلىك شارالارى قاراستىرىلعان. بۇل 29-58 مىڭ تەڭگە ارالىعىن قۇرايدى.