جۇكتى ايەلدەردە «سپۋتنيك V» پرەپاراتىنا ەلەۋلى جاعىمسىز رەاكتسيالار انىقتالعان جوق. بۇل تۋرالى Egemen.kz ۇكىمەت جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.
«21 جۇكتى ايەلگە جۇرگىزىلگەن كوروناۆيرۋسقا قارسى ۆاكتسينانى زەرتتەۋ بارىسىندا اۋىردىڭ اسقىنۋ جاعدايلارى بايقالعان جوق», دەپ حابارلادى گامالەيا اتىنداعى ەپيدەميولوگيا جانە ميكروبيولوگيا عىلىمي ورتالىعى.
وسىعان بايلانىستى, جۇكتى ايەلدەردى COVID-19 پرەپاراتىمەن ۆاكتسينالاۋ مۇمكىندىگى تۋرالى ماسەلەنى قاراستىرۋعا باسىمدىق بەرىلۋدە. سەبەبى جۇكتىلىك كەزىندەگى اۋرۋ قاۋىپ تۋدىرادى.
سونىمەن قاتار ورتالىق عالىمدارى جۇكتى ايەلدەردە ۆاكتسينانى قولدانۋ قاۋىپسىزدىگىن باعالاۋ ءۇشىن سۇتقورەكتىلەرگە قوسىمشا كلينيكاعا دەيىنگى زەرتتەۋلەر جۇرگىزدى. جۇكتىلىك كەزىندە ۆاكتسينا العان جانۋارلار تولدەدى. جاڭا تۋعان جانۋارلاردى تەكسەرۋ ناتيجەسىندە پاتولوگيالىق وزگەرىستەر انىقتالعان جوق.
گامالەيا اتىنداعى عىلىمي ورتالىقتىڭ ديرەكتورى الەكساندر گينتسبۋرگ «سپۋتنيك V ۆاكتسيناسىن قابىلداعانداردان الىنعان سارىسۋ سovid-19 ۆيرۋسىنىڭ ءارتۇرلى گەنەتيكالىق وزگەرتىلگەن شتامدارىنا تيىمدىلىگى بويىنشا زەرتتەلەتىنىن جەتكىزدى. زەرتتەۋ جۇمىستارى يتالياداعى جەتەكشى ەۋروپالىق ميكروبيولوگيا جانە پۋلمونولوگيا ينستيتۋتىندا وتەدى دەپ جوسپارلانۋدا.
گينتسبۋرگتىڭ ايتۋىنشا, بۇل جاڭا شتامداردىڭ پايدا بولۋىنا بايلانىستى كوروناۆيرۋسقا قارسى ۆاكتسيناتسيا مەرزىمىنە تۇزەتۋلەر ەنگىزۋگە قاتىستى سۇراققا عىلىمي جاۋاپ بولادى.