ەلوردادا كوتتەدج شاتىرى ورتەنىپ, 2 ادام قۇتقارىلدى, دەپ حابارلايدى Egemen.kz نۇر-سۇلتان قالالىق توتەنشە جاعدايلار دەپارتامەنتىنە سىلتەمە جاساپ.
اقىرتاس كوشەسى بويىنداعى ءۇي ورتەنىپ جاتقانى تۋرالى حابارلاما بۇگىن ساعات 11-42-دە تۇسكەن. وقيعا ورنىنا جەتكەن ماماندار ەكى قاباتتى كوتتەدجدىڭ شاتىرى ورتەنىپ جاتقانىن, ەكىنشى قابات جاتاقحانا بولعاندىعىن, سونىمەن قاتار عيماراتقا جاپسارلاس دۇكەن مەن ءدامحانا سالىنعانىن انىقتادى. ءورت ساعات 12-22-دە ءسوندىرىلدى.
ء«ورتتى سوندىرۋگە جەكە قۇرامنان 18 مامان جانە 4 تەحنيكا جۇمىلدىرىلدى. قىزىل جالىن شارپىعان اۋماق 150 شارشى مەتردى قۇرايدى. ەلوردالىق ءورت سوندىرۋشىلەردىڭ كاسىبي ءىس ارەكەتتەرىنىڭ ارقاسىندا ورتەنىپ جاتقان ۇيدەن ەر ادام مەن ايەل قۇتقارىلدى. ولاردى جەدەل جاردەم قىزمەتكەرلەرى تەكسەردى, جاعدايلارى قاناعاتتانارلىق. سونداي-اق ءورت سوندىرۋشىلەر 7 گاز باللونىن قاۋىپسىز جەرگە شىعاردى», دەدى ۆەدومستۆودان.