قازاقستان ەلشىسى نۇرباح رۇستەموۆ ابايدىڭ «قارا سوزدەرىن» رۋمىن تىلىنە اۋدارعان بۋحارەست ۋنيۆەرسيتەتىنىڭ شەت تىلدەرى جانە ادەبيەتى فاكۋلتەتىنىڭ پروفەسسورى انتوانەتا ولتيانۋعا پرەزيدەنت قاسىم-جومارت توقاەۆتىڭ العىس حاتىن تابىس ەتتى, دەپ حابارلايدى Egemen.ءkz سىم ءباسپاسوز قىزمەتىنە سىلەتمە جاساپ.
مەملەكەت باسشىسى اۋدارماشىعا قازاقستان مەن رۋمىنيا اراسىنداعى مادەني بايلانىستاردى دامىتۋعا قوسقان ۇلەسى ءۇشىن العىس ايتقان.
سونىمەن قاتار انتوانەتا ولتيانۋدىڭ كاسىبي قىزمەتى قازاقستاننىڭ مادەنيەت جانە سپورت ءمينيسترىنىڭ العىس حاتىمەن دە اتاپ ءوتىلدى. ا.ولتيانۋ ەڭبەگىنە بەرىلگەن جوعارى باعا ءۇشىن شىنايى ريزاشىلىعىن ءبىلدىرىپ, ەكىجاقتى مادەني بايلانىستىڭ ىلگەرىلەۋىنە ودان ءارى ۇلەس قوسۋعا دايىن ەكەنىن راستادى.
ايتا كەتەيىك, 2019 جىلدىڭ شىلدەسىندە «نەمۋرا» باسپاسىندا جارىققا شىققان ابايدىڭ رۋمىن تىلىندەگى تۇڭعىش ەڭبەكتەرى وقىرماننىڭ ىستىق ىقىلاسىنا يە بولدى.
2020 جىلدىڭ قىركۇيەگىندە اقىننىڭ مەرەيتويىن اتاپ ءوتۋ اياسىندا بۋحارەستىڭ ورتالىق ساياباقتارىنىڭ بىرىندە اباي ءبيۋستىنىڭ سالتاناتتى اشىلۋى ءوتتى.