16 مامىر كۇنى نۇر-سۇلتان قالاسىندا ۇبت وتكىزۋ ءبىر ساعاتقا شەگەرىلەدى, دەپ حابارلايدى Egemen.kz ۇلتتىق تەستىلەۋ ورتالىعىنا سىلتەمە جاساپ.
ورتالىقتىڭ مالىمەتىنشە, ەرتەڭ تەك ەلوردادا عانا ۇبت ءبىر ساعاتقا شەگەرىلەدى. ياعني, تاڭعى ساعات 9:00-دە باستالاتىن ۇبت ساعات 10:00-گە; تۇسكى ساعات 14:00-دە باستالاتىن ۇبت 15.00-گە اۋىستى.
«اتالعان جاعداي نۇر-سۇلتان قالاسى بويىنشا تەستىلەۋ پۋنكتىندە («تاۋەلسىزدىك سارايى», تاۋەلسىزدىك كوشەسى 52-ءۇي) تەحنيكالىق جۇمىستاردىڭ جۇرگىزىلۋىنە بايلانىستى ورىن الىپ وتىر», دەلىنگەن حابارلامادا.