«نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم نۇر-سۇلتان قالاسى پد اكىمشىلىك پوليتسيا باسقارماسىمەن بىرلەسىپ, ماڭگىلىك ەل داڭعىلىندا جول جوندەۋ جۇمىستارىنىڭ باستالعانىن ءمالىم ەتتى, دەپ حابارلايدى Egemen.kz
وسىعان بايلانىستى وسى جىلعى 15-17 مامىر ارالىعىندا تريۋمفالدى اركادان ورىنبور كوشەسىنە دەيىنگى ۋچاسكەدە اۆتوكولىك ءۇشىن قوزعالىس ءىشىنارا جابىلاتىن بولادى. سونداي-اق 15 مامىردا سەيفۋللين-ايمانوۆ كوشەلەرىنىڭ قيىلىسىنداعى جول توسەمىنە جوندەۋ جۇرگىزىلەدى. بۇل ۋچاسكە تولىعىمەن جابىلادى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن ۆەدومستۆو حابارلاماسىندا.