ەلورداداعى Astana Garden School مەكتەبىنە جارىلعىش زات قويىلدى, دەپ حابارلايدى Egemen.kz.
بۇگىن ساعات 11:32-دە نۇر-سۇلتان قالالىق پوليتسيا دەپارتامەنتىنە قالا مەكتەپتەرىنىڭ بىرىنە جارىلعىش زات قويىلعانى تۋرالى حابارلاما تۇسكەن.
وقيعا ورنىنا شۇعىل قىزمەت وكىلدەرى جىبەرىلىپ, مەكتەپتەن 175 ادام ەۆاكۋاتسيالاندى. تەكسەرۋ ناتيجەسىندە ەشقانداي جارىلعىش زات تابىلماعان.
پوليتسيا بۇل جاعدايعا قاتىستى قىلمىستىق كودەكستىڭ 273-بابى بويىنشا قىلمىستىق ءىس قوزعادى.
ءتارتىپ ساقشىلارىنىڭ ايتۋىنشا, بىلتىر ءدال وسىنداي 10 قىلمىس تىركەلگەن.
«پوليتسيا قىزمەتكەرلەرى بارلىق قىلمىسكەرلەردى انىقتادى. اتالعان فاكتىلەر بويىنشا ۇستالعاندار ءار ءتۇرلى مەرزىمگە باس بوستاندىعىنان ايىرىلدى», دەپ تولىقتىردى دەپارتامەنت وكىلدەرى.