6 مامىردان باستاپ نۇر-سۇلتان تۇرعىندارى Sinopharm قىتاي ۆاكتسيناسىن سالدىرا الادى. بۇل تۋرالى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى, دەپ حابارلايدى Egemen.kz
«قازىر باسقارما قويمالارىنا قىتايلىق Sinopharm ءوندىرۋشىسىنىڭ ۆاكتسيناسى كەلدى. ەرتەڭنەن باستاپ وسى ۆاكتسينانى ەگۋگە كىرىسەمىز. بۇل ۆاكتسينا وسى ءوندىرۋشى كومپانيانىڭ ۆاكتسيناسىن سالدىرۋعا نيەت بىلدىرۋشىلەر ءۇشىن تاڭداۋ-پرەپارات», دەدى مۇراتوۆ ەلوردا اكىمدىگىنىڭ ونلاين-بريفينگىندە.
بۇعان دەيىن دەنساۋلىق ساقتاۋ ءمينيسترى الەكسەي تسوي قازاقستاندا ۆاكتسيناتسيالاۋ ءۇشىن ۇش ۆاكتسينا بارىن مالىمدەگەن بولاتىن. ولار – رەسەيلىك «سپۋتنيك V», قازاقستاندىق QazVac جانە Hayat-Vax قىتاي تەحنولوگياسىمەن وندىرىلگەن اراب ۆاكتسيناسى.