مەحيكودا مەترو كوپىرىنىڭ قۇلاۋى سالدارىنان قازا تاپقانداردىڭ سانى 23-كە جەتتى. بۇل تۋرالى بۇگىن قايعىلى وقيعا بولعان جەردە جۇرگەن مەگاپوليس باسشىسى كلاۋديا شەينباۋم حابارلادى, دەپ جازادى Egemen.kz «تاسس» اگەنتتىگىنە سىلتەمە جاساپ.
«وكىنىشكە قاراي, وسى ۋاقىتقا دەيىن 23 ادامنىڭ دەنەسى تابىلدى. 65 ادام اۋرۋحاناعا جاتقىزىلدى», دەدى مەحيكو قالاسىنىڭ باسشىسى.
قالانىڭ وڭتۇستىگىندەگى وليۆوس ستانتسياسىنىڭ جانىندا دۇيسەنبى كۇنى جەرگىلىكتى ۋاقىتپەن 22:25-تە (نۇر-سۇلتان ۋاقىتىمەن 09:25), پويىز ءوتىپ بارا جاتقان ساتتە كوپىر قۇلاپ كەتكەن ەدى. سالدارىنان ەكى ۆاگون 10 مەتر بيىكتىكتەن قۇلادى. قۇقىق قورعاۋ ورگاندارى اپاتتىڭ سەبەپتەرىن انىقتاپ جاتىر.
ايتا كەتەيىك, بۇل ايماقتاعى مەحيكو مەترو جەلىسى 2012 جىلدىڭ قازان ايىنىڭ سوڭىندا پايدالانۋعا بەرىلگەن.