يراننىڭ كۋم قالاسىنداعى حيميالىق زاۋىتتا الاپات ءورت پەن جارىلىس بولدى. زارداپ شەككەندەر بار, دەپ حابارلايدى Egemen.kz
زاۋىتتا ءورت شىعىپ, كەيىن بىرنەشە جارىلىس بولعان, وقيعا ورنىنا 150 ءورت ءسوندىرۋشى مەن 20 تەحنيكا جۇمىلدى. زاۋىتتىڭ ءبىر بولىگى ەۆاكۋاتسيالاندى.
پروۆينتسيانىڭ ءورت ءسوندىرۋ قىزمەتىنىڭ وكىلى حاميد كۋرەيمي Fars اگەنتتىگىنە ورتتە ەكى ءورت ءسوندىرۋ كولىگى زاقىمدانعانىن جانە ەكى ءورت ءسوندىرۋشى اۋىر جاراقات العانىن ايتتى.
ء«ورت ءسوندىرىلدى, ءبىز ونىڭ باسقا قويمالارعا تارالۋىنا جول بەرگەن جوقپىز, ايتپەسە وندىرىستىك ايماقتا ودان دا ۇلكەن ءورتتى كورەر ەدىك», دەدى كۋرەيمي.