مەملەكەت باسشىسى قاسىم-جومارت توقاەۆ بۇگىن «سپۋتنيك V» ۆاكتسيناسىنىڭ ەكىنشى كومپونەنتىن الدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, دەپ حابارلايدى Egemen.kz.
«ەكپە سالدىرعاننان كەيىن پرەزيدەنتتىڭ دەنساۋلىعىندا ەشقانداي كىنارات بايقالعان جوق. ءوزىنىڭ جۇمىس كەستەسىنە سايكەس قىزمەتىن قىزۋ اتقارىپ جاتىر. قاسىم-جومارت كەمەل ۇلى ەلىمىزدەگى ۆاكتسيناتسيا قارقىنىن تومەندەتپەۋ كەرەك دەپ سانايدى. مەملەكەت باسشىسى ەكپە سالدىرۋ بارلىق شەكتەۋلەردەن ارىلتىپ, قايتا قالىپتى ومىرگە باستايتىن, COVID-19 پاندەمياسىن جەڭەتىن جالعىز جول ەكەنىنە كامىل سەنەدى», دەپ جازدى بەرىك ءۋالي.