نۇر-سۇلتاندا اۆتونومدى دەزينفەكتسيا جانە ايالداما پاۆيلوندارىنىڭ قاۋىپسىزدىگىن باقىلاۋ جۇيەسى رەسمي ىسكە قوسىلدى, دەپ حابارلايدى Egemen.kz.
يننوۆاتسيالىق جۇيە نۇر-سۇلتان قالاسى قوسشىعۇل ۇلى كوشەسىندەگى جابىق ايالدامادا ورناتىلدى. ول اۋانى دىبىسسىز دەزينفەكتسيالاۋدى جانە بولمەنى ساعاتىنا 200 شارشى مەترگە دەيىن يونداۋدى قامتاماسىز ەتەدى.
جۇيە اۋا اينالىمى بار بولمەدە 10 مينۋت ىشىندە اۋادا فح174 كوليفاگ ۆيرۋسىنىڭ 99,9%-ىن زالالسىزداندىرادى.
اقىلدى جۇيە قالا تۇرعىندارىنا قوعامدىق كولىكتى پايدالانۋعا جانە وزدەرىن قاۋىپسىز سەزىنۋگە مۇمكىندىك بەرەدى.
«جۇيەنىڭ بىرقاتار ارتىقشىلىقتارى بار. ول قورشاعان ورتا ءۇشىن قاۋىپسىز: پايدالانۋ كەزىندە جانە ودان كەيىن وزون شىعىندىلارى بولمايدى. قۋات كوزىن از تۇتىنادى (150ۆت) قوسارلى اۋانى ءسۇزۋ جۇيەسى, ءتۇتىن سەزبەگى, ناقتى ۋاقىت رەجيمىندە حابارلاۋ جۇيەسى جانە جابدىقتى قاشىقتان باسقارۋ باعدارلامالىق جاساقتاماسى بار. بۇل شەشىم جۇقپالى اۋرۋلاردىڭ تارالۋى مەن جۇقتىرۋ قاۋپىن سەيىلتەدى جانە مۋتاتسيالانعان ۆيرۋستاردى زالالسىزداندىرۋعا ىقپال ەتەدى», دەيدى جوبا جەتەكشىسى رۋسلان ەركەتاەۆ.
ەستەرىڭىزگە سالا كەتەيىك, بۇل شەشىم «اقىلدى اۋدان» جوباسى اياسىندا «Astana Innovations» اق, «سارىارقا» اۋدانى اكىمدىگىمەن جانە ء«ىت Smart Solutions» جشس كومپانياسىمەن بىرىگىپ جۇزەگە اسىرىلۋدا.
گاۋحار قاپاش