ورال قالالىق كىتاپحاناسى باتىس قازاقستان وبلىسىنداعى قىلمىستىق-اتقارۋ جۇيەسى دەپارتامەنتىنە قاراستى مەكەمەلەرگە 15 مىڭنان اسا كىتاپ سىيعا تارتتى, دەپ حابارلايدى Egemen.kz
بۇل كىتاپتار جازا باسىپ, تەمىر توردىڭ ار جاعىندا جازاسىن وتەپ جاتقان جاندارعا ارنالعان. م.گوركي اتىنداعى قالالىق كىتاپحانا سىيعا تارتقان 15 408 كىتاپتىڭ ىشىندە الەم ادەبيەتىنىڭ كلاسسيكتەرى دە, قازىرگى ادەبيەت ۇلگىلەرى دە, عىلىمي-تانىمدىق, انىقتامالىق كىتاپتار دا بار ەكەن.
«كىتاپ – باس بوستاندىعىنان ايىرىلعان جاندار اراسىندا ءاۋ باستان ەرەكشە سۇرانىسقا يە قۇندىلىق. اباقتىعا ۋاقىتشا قامالعاندار دا, سوتتالىپ جازاسىن وتەۋشىلەر دە ءبىزدىڭ كىتاپحانالار قىزمەتىن ءجيى پايدالانادى. تۇراقتى وقىرماندارىمىز دا بار. بىزدە ەڭ كوپ وقىلاتىن كىتاپتار – لەۆ تولستويدىڭ «سوعىس پەن بەيبىتشىلىك» ەپوپەياسى, دوستوەۆسكيدىڭ «قىلمىس پەن جازا» كىتابى. سونداي-اق م.بۋلگاكوۆتىڭ «ماستەر مەن مارگاريتا» رومانى دا سۇرانىسقا يە», دەيدى باتىس قازاقستان وبلىستىق قىلمىستىق-اتقارۋ جۇيەسى دەپارتامەنتىنىڭ باس مامانى داستان اقشولاقوۆ.
اتالعان دەپارتامەنت پەن قالالىق كىتاپحانا اراسىندا ارىپتەستىك بايلانىس كوپتەن بەرى جالعاسىپ كەلە جاتىر ەكەن. دەپارتامەنت باسشىلىعى رامازان ايىندا جاساعان جومارتتىعى ءۇشىن كىتاپحانا وكىلىنە العىس ايتتى.