قازاقستانداعى مۇناي وندىرەتىن كاسىپورىندارداعى جۇمىسشىلاردىڭ 90 پايىزى كوروناۆيرۋسقا قارسى ۆاكتسينادان باس تارتتى, دەپ حابارلايدى Egemen.kz «حابار 24» ارناسىنا سىلتەمە جاساپ.
مىسالى, بۇل جاعداي تەڭىز كەن ورنىندا زاۋىت قۇرىلىسىن باياۋلاتىپ وتىر. بۇل تۋرالى مۇناي سەرۆيستىك كومپانيالار وداعىنىڭ تورالقا توراعاسى راشيد جاقسىلىقوۆ مالىمدەدى.
ۆاكتسيناتسيادان باس تارتۋدىڭ ءبىر سەبەبى - ۆاحتالىق جۇمىسشىلارعا ارنالعان نىسانداردا قولايلى جاعداي جاسالعاندىعى. ولار ەڭبەك كودەكسىندە كورسەتىلگەن ۋاقىتتان كوپ ۋاقىتتى ءىسساپاردا وتكىزسە, قوسىمشا اقى الادى. ال اۋىسىمعا تۇسەر الدىندا جۇمىسشىلار وقشاۋلانادى. راشيد جاقسىلىقوۆ اتاپ وتكەندەي, بۇل جاعدايدا ۆاكتسيناتسيالاۋ ولار ءۇشىن ءتيىمدى ەمەس, ويتكەنى جوعارى كوەففيتسيەنتتەر بولمايدى.
ايتا كەتەيىك, مۇناي ءوندىرۋشى كومپانيالاردىڭ نىساندارىنا قازىردىڭ وزىندە پرەپاراتتىڭ 90 مىڭعا جۋىق دوزاسى جەتكىزىلگەن.