شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 8 ساۋىردە ساعات 20.00 شاماسىندا دەپوۆسكايا كوشەسىندەگى جەر ۇيدە ءورت شىققان. وقيعا ورنىنا ءورت سوندىرۋشىلەر شۇعىل كەلىپ جەتتى, دەپ حابارلايدى Egemen.kz
«قىزىل جالىن ءۇي شاتىرىنىڭ اعاش قۇرىلىمدارىن, تەرەزە مەن ەسىكتى شارپىعان. ءتىلسىز جاۋدىڭ جالپى اۋماعى 100 شارشى مەتردى قۇرادى. ءورت ءسوندىرۋ بارىسىندا قۇتقارۋشىلار بولمە ىشىنەن ءۇي يەسىنىڭ دەنەسىن تاپتى», دەپ حابارلادى ۆەدومستۆو وكىلدەرى.
جانىپ جاتقان ۇيدەن سىيىمدىلىعى 27 ليترلىك 1 گاز باللونى سىرتقا شىعارىلعان. تەرگەۋ بارىسىندا ءورتتىڭ شىعۋىنا تەمەكى شەگۋ كەزىندەگى ابايسىزدىق سەبەپ بولعان.