قىرعىستاننىڭ استاناسى – بىشكەكتە دزيۋدودان ازيا مەن مۇحيت جاعالاۋى ەلدەرىنىڭ بىرىنشىلىگى باستالدى. بۇل جارىسقا 30 مەملەكەتتەن كەلگەن 215 بالۋان باق سىناۋدا, دەپ حابارلايدى Egemen.kz.
ەرلەر اراسىنداعى 60 كيلو سالماقتاعى سايىستا ەلدوس سمەتوۆ يوردانيالىق ءبىلال المانساۋردىڭ اياعىن كوكتەن كەلتىردى. كەلەسى كەزەڭدە ول قىرعىزستاندىق قۋانىشبەك ايبەك ۇلىمەن كۇش سىناسادى. ال عۇسمان قىرعىزباەۆ ويدا-جوقتا اۋستراليالىق دجوشۋا كەتتستەن ۇتىلىپ قالدى.
66 كيلو سالماقتاعى ەلدوس جۇماحانوۆ فيليپپيندىك شۋگەن ناكانونىڭ وسال تۇسىن وڭاي تاپتى. قانداسىمىزدىڭ كەلەسى قارسىلاسى – اۋستراليانىڭ تاعى ءبىر وكىلى ناتان كەتتس.
ايەلدەر اراسىنداعى اسا جەڭىل سالماقتا ءابيبا ابۋجاقىنوۆا العاشقى ەكى كەزەڭنەن سۇرىنبەي ءوتتى. ول قىرعىزستاندىق جانار جولداشەۆا مەن ۇندىستاندىق دەۆي لاكمابامنەن ايلاسىن اسىردى. ەندى ءابيدا وزبەكستاندىق گۇلنۇر مۇراتباەۆامەن شەبەرلىك بايقاسادى. ال وتگونتسەتسەگ گالدابراح جارىس جولىنا شىقپادى.
52 كيلو سالماقتاعى قوس ارۋىمىز دا تۇساۋكەسەر كەزدەسۋلەرىندە جەڭىلىستىڭ كەرمەك ءدامىن تاتتى. عاليا تىنباەۆا وزبەكستاندىق سيتا قادامبوەۆاعا, نۇرسۇلۋ ەراليەۆا كورەيالىق پارك دا سولعا جول بەردى.
57 كيلو سالماقتاعى سەۆارا نيشانباەۆا ساناۋلى مينۋتتاردان كەيىن قىرعىزستاننىڭ دزيۋدوشىسى ابينا قوشقونباەۆامەن كۇش سىناسادى.