ەلوردادا 25 ناۋرىزدان 26-سىنا قاراعان ءتۇنى 76 مىڭ تەكشە مەترگە جۋىق قار شىعارىلدى. قار كۇرەۋ جۇمىسىنا 1 148 ارنايى تەحنيكا مەن 188 جول جۇمىسشى جۇمىلدىرىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
سوڭعى كۇندەرى ەلوردادا ايلىق نورمادان بىرنەشە ەسە كوپ قار جاۋدى. نۇر-سۇلتاننىڭ كوممۋنالدىق قىزمەتتەرى ەكى اۋىسىمدى رەجيمدە جۇمىس ىستەپ ءجۇر. وتكەن تاۋلىكتە قالادان 140 مىڭ تەكشە مەترگە جۋىق قار شىعارىلدى.
بۇگىن ەلوردادا قار كۇرەۋ جۇمىسىنا 1 800-دەن استام جول جۇمىسشى مەن 1 500-گە جۋىق ارنايى تەحنيكا جۇمىلدىرىلدى.
ايتا كەتەيىك, ەرەجە بويىنشا ءبىرىنشى كەزەكتە جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەردىڭ قارى كۇرەلەدى. ودان ءارى ورتاشا قارقىندى ۋچاسكەلەر – الاڭدار, ۆوكزال ماڭىنداعى اۋماقتار, تروتۋارلار جانە ت.ب. ورىندار تازارتىلادى.
جينالعان قار ەلوردادا ورنالاسقان 11 پوليگونعا شىعارىلادى. پوليگونداردا باقىلاۋ ءۇشىن فوتو جانە بەينەكامەرالار ورناتىلعان. قىس مەزگىلى باستالعالى بەرى ەلوردادان 4 774 244 تەكشە مەتر قار شىعارىلدى.