وتانداسىمىز دۋبايدا نەگىزگى تۋرنيرگە جولداما الدى

الەمدىك رەيتينگتە 96-ورىندا تۇرعان م.كۋكۋشكين ىرىكتەۋ سايىستارىنىڭ فينالىندا دۇنيەجۇزىنىڭ 162-راكەتكاسى, يتاليالىق لورەنتسو دجۋستينومەن باسەكە ءتۇستى.

الدىڭعى اقپاراتتارىمىزدا حابارلاعانداي, ول ءبىرىنشى پارتيادا قازاقستاندىق تەننيسشى ايقىن باسىمدىلىق كورسەتتى – 6:2. ەكىنشى سەتتە دە م.كۋكۋشكين برەيكپەن العا شىقتى – 3:1. تاعى ءبىر برەيك – 5:2. سوسىن ماتچقا دوپ بەرگەندە, مۇمكىندىگىن ءمۇلت جىبەرگەن جوق – 6:2. باسەكە 1 ساعات 12 مينۋتقا سوزىلدى. وسىلايشا قازاقستاندىق سپورتشى نەگىزگى تۋرنيرگە جولداما الدى.