الماتى قالاسىنىڭ اۋەجايى ماڭىندا اسكەري ۇشاق اپاتقا ۇشىراعاندىقتان, رەيستەردىڭ ۇشۋ ۋاقىتى كەيىنگە شەگەرىلدى, دەپ حابارلايدى Egemen.kz
ۇشۋ كەستەسىندەگى الماتىدان اقتاۋعا, نۇر-سۇلتانعا, كوكشەتاۋ مەن ورالعا جۇرەتىن رەيستەر بوگەلگەن. اۋەجايدىڭ ءباسپاسوز قىزمەتى بۇل اقپاراتتى راستادى.
«ورىن العان وقيعاعا بايلانىستى ۇشۋ كەستەسىندە ازداعان وزگەرىستەر بار», دەدى الماتى اۋەجايىنىڭ ءباسپاسوز قىزمەتى.
ەسكە سالا كەتسەك, بۇگىن الماتى اۋەجايى ماڭىندا اسكەري ۇشاق اپاتقا ۇشىرادى.
«بۇگىن 17:20-دا نۇر-سۇلتان-الماتى» باعىتىندا ۇشىپ شىققان ۇقك اۋە قىزمەتىنىڭ ان-26 ۇشاعى اپاتقا ۇشىرادى. بىردەن دابىل قاعىلدى. وقيعا ورنىنا اپاتتىق قۇتقارۋ جاساعى شۇعىل اتتاندى. الدىن الا تارالعان اقپاراتقا سايكەس, بورت ۇشۋ قونۋ جولاعىنىڭ باس جاعىندا قۇلاعان», دەدى اۋەجايدىڭ ءباسپاسوز قىزمەتى.