باتىس قازاقستان وبلىسى بويىنشا باسەكەلەستىكتى قورعاۋ جانە دامىتۋ دەپارتامەنتىنە جاڭا باسشى كەلدى, دەپ حابارلايدى Egemen.kz
سالاۋات ۆاحيتوۆ 1975 جىلى دۇنيەگە كەلگەن. ءبىلىمى جوعارى. 1996 جىلى باتىس قازاقستان اگرارلىق ۋنيۆەرسيتەتىن ەكونوميكا جانە اوك سالاسىنداعى باسقارۋ, 2007 جىلى م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن زاڭگەرلىك ماماندىعى بويىنشا, سونداي-اق 2009 جىلى قر پرەزيدەنتى جانىنداعى مەملەكەتتىك باسقارۋ اكادەمياسىن تامامداعان.
ءار جىلدارى ورال قالاسى ەكونوميكا باسقارماسىنىڭ اعا, جەتەكشى مامانى, بقو بويىنشا كولىكتىك باقىلاۋ ينسپەكتسياسىنىڭ باس مامانى, باسشىنىڭ ورىنباسارى, قر ەنەرگەتيكا جانە مينەرالدىق رەسۋرستار مينيسترلىگى «كاپيتالنەفتەگاز» مم ديرەكتورىنىڭ ورىنباسارى, قر باسەكەلەستىكتى قورعاۋ جونىندەگى اگەنتتىك دەپارتامەنتى باسشىسىنىڭ ورىنباسارى, قر باسەكەلەستىكتى قورعاۋ اگەنتتىگى اقتوبە جانە بقو بويىنشا وڭىرارالىق ينسپەكتسياسىنىڭ باستىعى, اقتوبە وبلىسى بويىنشا مونوپولياعا قارسى ينسپەكتسيا باسشىسى بولدى. 2018 جىلدان بەرى قر ينۆەستيتسيالار جانە دامۋ مينيسترلىگى, قر ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتى دەپارتامەنتىنىڭ باسشىسى قىزمەتىن اتقاردى.
ەسكە سالا كەتەيىك, بۇدان بۇرىن بقو اكىمىنىڭ ورىنباسارى تاعايىندالعانىن جازعان بولاتىنبىز.