سەنات دەپۋتاتتارى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا پارلامەنتشىلەردىڭ باستاماسىمەن ازىرلەنگەن ەلدىڭ سوت جۇيەسىن جەتىلدىرۋگە باعىتتالعان بۇرىن زاڭ جوبالارىن قارادى, دەپ حابارلايدى Egemen.kz
2021 جىلعى 1 شىلدەدەن باستاپ اكىمشىلىك راسىمدىك-پروتسەستىك كودەكستىڭ كۇشىنە ەنۋىنە بايلانىستى بۇكىل سوت جۇيەسىنىڭ جۇمىسىن قايتا رەتكە كەلتىرۋ تالاپ ەتىلەتىن بولادى. ماسەلەن, قازاقستان رەسپۋبليكاسىنىڭ «سوت جۇيەسى جانە سۋديالاردىڭ مارتەبەسى تۋرالى» كونستيتۋتسيالىق زاڭىنا وزگەرىستەر قارالدى. بۇل تۇزەتۋلەر جوعارعى سوتتا اكىمشىلىك ىستەر جونىندەگى القا قۇرۋدى جانە قازىرگى بار مامانداندىرىلعان سوت القاسىن جويۋدى كوزدەيدى.
«بۇل وزگەرىستەر اكىمشىلىك ادىلەتىن ەنگىزۋ جاعدايىندا دا جۇكتەمەنى تەڭ بولۋگە, تەرىس ارەكەتتەر مەن جاريا داۋلاردى قاراۋ جونىندەگى سوت تاجىريبەسىنىڭ اراجىگىن اجىراتۋعا مۇمكىندىك بەرەدى جانە ادامداردىڭ كونستيتۋتسيالىق قۇقىقتارى سوتپەن قورعالۋىن قامتاماسىز ەتۋگە ىقپال ەتەتىن بولادى», دەدى زاڭ جوباسىن ازىرلەۋشىلەردىڭ ءبىرى كوميتەت توراعاسى ۆلاديمير ۆولكوۆ.
زاڭ جوباسىندا سونىمەن قاتار جوعارعى سوت سۋديالارى لاۋازىمىنا ۇمىتكەرلەرگە قويىلاتىن كەيبىر تالاپتاردى وزگەرتۋ قاراستىرىلعان.
دەپۋتاتتار ينۆەستورلاردىڭ قاتىسۋىمەن بولاتىن داۋلاردى جاڭاشا قاراستىرۋدى ۇسىنادى. سوتتار مەن سۋديالارعا جۇكتەمەنى تەڭ ءبولۋ, سونداي-اق بىركەلكى تاجىريبە ازىرلەۋ باستى ماقسات بولىپ وتىر. سوندىقتان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت جۇيەسىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا وسىنداي ىستەردى بارىنشا مۇقيات قاراۋ, مەملەكەتتىك ورگاندارمەن داۋلاردا ينۆەستيتسيالىق داۋلار بويىنشا ءۇش بۋىندى قورعاۋ جۇيەسىن بەلگىلەۋ ارقىلى ينۆەستورلاردىڭ قۇقىقتارىن قورعاۋدى ارتتىرۋ ماقساتىندا مامانداندىرىلعان سوتتار اراسىنداعى سوتتىلىقتى وزگەرتۋ ۇسىنىلىپ وتىر. قازىر داۋلار ەكى بۋىندى جۇيە ارقىلى قارالادى, بۇل ينۆەستورلار ءۇشىن تۇسىنبەستىك تۋعىزىپ كەلەدى.
«زاڭ جوباسىندا مامانداندىرىلعان سوتتاردىڭ ساقتالۋىن, سوتپەن قورعاۋدىڭ ءۇش ساتىلى تولىققاندى جۇيەسىن جانە قازاقستان رەسپۋبليكاسى جوعارعى سوتىنداعى سوت القاسىنىڭ كاسساتسيالىق ءىس جۇرگىزەتىنىن ەسكەرە وتىرىپ, داۋلاردى ينۆەستورلاردىڭ قاتىسۋىمەن ينستانتسيالاۋدى ايقىنداۋ ۇسىنىلادى», دەدى سەناتور ساۋلە ايتپاەۆا.
پارلامەنتشىلەر كەڭەيتىلگەن وتىرىس بارىسىندا «اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا تالقىلادى. اقبتك-دەن «جوعارعى سوتتىڭ مامانداندىرىلعان سوت القاسى» دەگەن ۇعىمدى الىپ تاستاۋ ۇسىنىلادى. بۇل اعىمداعى جىلى اكىمشىلىك راسىمدەرمەن جانە جاريا قۇقىقتىق قاتىناستار سالاسىنداعى داۋلاردى شەشۋ جونىندەگى ارنايى سوت ءىسىن جۇرگىزۋگە بايلانىستى قوعامدىق قاتىناستاردى رەتتەۋگە باعىتتالعان اكىمشىلىك راسىمدىك-پروتسەستىك كودەكستىڭ ەنگىزىلۋىنە بايلانىستى.