قازاقستاندا تالاپكەرلەردىڭ اقىلى كومپيۋتەرلىك بىرىڭعاي ۇلتتىق تەستىلەۋدەن (ۇبت) وتۋگە وتىنىمدەرىن تىركەۋ باستالدى. بۇل تۋرالى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ مالىمدەدى, دەپ حابارلايدى Egemen.kz
«دوستار! سىزدەر تاريحتاعى العاش رەت كومپيۋتەرلىك فورماتتا وتكىزىلەتىن ۇلتتىق بىرىڭعاي تەستىلەۋگە تىركەلىپ جاتىرسىزدار! قۇتتىقتايمىز! ناۋرىزدا وتەتىن ۇبت-عا تىركەلۋ: 4 ناۋرىزدان باستاپ app.testcenter.kz سىلتەمەسى ارقىلى جۇرگىزىلىپ جاتىر», دەيدى سماعۇلوۆ. تەستىلەۋ 10 ناۋرىز بەن 10 ءساۋىر ارالىعىندا وتكىزىلەدى. تەستىلەۋ قۇنى: 2242 تەڭگە. ناۋرىزداعى ۇبت سەرتيفيكاتىمەن جوعارى وقۋ ورىندارىنا اقىلى نەگىزدە تۇسۋگە بولادى.
«ەلىمىزدەگى كارانتيندىك شەكتەۋلەرگە سايكەس, تەستىلەۋ تىزىممەن وتكىزىلەدى. تىركەلۋ بارىسىندا قاي ۇبت وتكىزۋ پۋنكتى جۇمىس ىستەيتىنى كورسەتىلەدى», دەلىنگەن تەستىلەۋ ورتالىعى حابارلاماسىندا.