قازاقستان وڭىرلەرىندە رەسپۋبليكالىق ماڭىزى بار جولدارعا اقىلى جۇيە ەنگىزۋ بويىنشا قوعامدىق تىڭداۋلار وتكىزۋ جالعاسۋدا. «قازاۆتوجول» ۇلتتىق كومپانياسى مەن جەرگىلىكتى اتقارۋشى ورگانداردىڭ وكىلدەرى جانە قوعام بەلسەندىلەرى بىرلەسىپ, اتالعان ماسەلەنى ءجىتى تالقىلاۋدا.
2021 جىلدىڭ قاڭتارىنان باستاپ جامبىل, الماتى, قىزىلوردا, اتىراۋ, ماڭعىستاۋ مەن تۇركىستان وبلىستارىندا اۆتوموبيل جولدارىنىڭ 7 ۋچاسكەسى بويىنشا 35 ەلدىمەكەندە قوعامدىق تىڭداۋ وتكىزىلگەن. ۇلتتىق وپەراتور وكىلدەرى جۇيەنى ەنگىزۋ كەزەڭدەرى, جەڭىلدىكتەر, تاريفتەر, سونداي-اق تولەمنىڭ ارتىقشىلىقتارى تۋرالى حالىقتى حاباردار ەتتى.
اقىلى اۆتوموبيل جولدارى جەلىسىن كەڭەيتۋدىڭ ۇزاق مەرزىمدى الەمدىك تاجىريبەسى قازاقستاندا ءوزىنىڭ تيىمدىلىگىن دالەلدەدى. قازىرگى تاڭدا ەلىمىزدە 4 اقىلى ۋچاسكە جۇمىس ىستەۋدە: «نۇر-سۇلتان – ششۋچينسك», «نۇر-سۇلتان – تەمىرتاۋ», «الماتى – قاپشاعاي» جانە «الماتى – قورعاس». بيىل اقىلى جولدار جۇيەسىن 5,8 مىڭ شاقىرىم جولعا ەنگىزۋ كوزدەلگەن.
جالپى, 2020-2025 جىلدارعا ارنالعان ينفراقۇرىلىمدى دامىتۋدىڭ «نۇرلى جول» مەملەكەتتىك باعدارلاماسى اياسىندا 11 مىڭ شاقىرىم اۆتوموبيل جولىن اقىلى ەتۋ جوسپارلانۋدا.
قوعامدىق تىڭداۋلار اقمولا, پاۆلودار, شىعىس قازاقستان جانە قوستاناي وبلىستارىندا, سونداي-اق نۇر-سۇلتان قالاسىندا وتكىزىلەدى دەپ كوزدەلىپ وتىر.