بۇگىن ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي مەديتسينا سالاسىنىڭ باستى پروبلەمالارىن اتادى, دەپ حابارلايدى Egemen.kz
«قابىلدانىپ جاتقان ءىس-شارالارعا قاراماستان كەلەسى نەگىزگى پروبلەمالار بار. پاتسيەنتتەر دەڭگەيىندە – بۇل ۇسىنىلاتىن قىزمەتتەردىڭ ساپاسى, ءالسىز كوممۋنيكاتسيا, ماماندارعا كەزەك, مەديتسينالىق قىزمەت كولەمىنىڭ, جوعارىتەحنولوگيالىق جانە قىمبات قىزمەتتەردىڭ جەتكىلىكسىزدىگى, سالالىق مامانداردىڭ تاپشىلى, حالىق سانى 300 ادامنان از اۋىلداردا مەديتسينا ۇيىمدارىن, ءدارىحانا پۋنكتتەرىن دامىتۋ قاجەتتىگى», دەدى مينيستر.
ءمينيستردىڭ ايتۋىنشا, العاشقى مەديتسينالىق-سانيتارلىق كومەك دەڭگەيىندە جان باسىنا قارجىلاندىرۋدى جەتىلدىرۋ تالاپ ەتىلەدى.
«تسيفرلاندىرۋ تولىق كولەمدە اياقتالعان جوق. بۇگىندە اۋداندىق دەڭگەيدەن تومەن مەديتسينالىق ۇيىمداردىڭ ينتەرنەتپەن قامتاماسىز ەتىلۋى, سونىمەن قاتار مەديتسينالىق اقپاراتتىق جۇيەلەرمەن ىقپالداسۋى 84,2 پايىزدى قۇرايدى. كادرلىق الەۋەتتىڭ, الەۋمەتتىك كەپىلدىڭ جەتكىلىكسىزدىگى جانە تومەن جالاقى دا ورىن العان. ينفراقۇرىلىم مەن جابدىقتالۋ تومەن. جەكەلەگەن كەيبىر اۋىلدىق ەلى مەكەندە العاشقى مەديتسينالىق-سانيتارلىق كومەك نىساندارى, سونىمەن قاتار مەديتسينالىق نىساندار توزعان جانە جوق تا», دەدى الەكسەي تسوي.