قىلمىستىق-اتقارۋ جۇيەسىن دامىتۋدىڭ 2019-2023 جىلدارعا ارنالعان جول كارتاسىن ىسكە اسىرۋ شەڭبەرىندە قىزىلوردا وبلىسى بويىنشا قاج مەكەمەلەرىندە سوتتالعانداردىڭ قۇقىقتىق جانە ۇستاۋ جاعدايىن جاقسارتۋعا, تسيفرلاندىرۋعا جانە جۇيەنىڭ اشىقتىعىنا باعىتتالعان بىرقاتار جۇمىستار اتقارىلىپ جاتىر, دەپ حابارلايدى Egemen.kz
جۋىردا تەرگەۋ يزولياتورى مەن تۇزەۋ مەكەمەلەرىندەگى سوتتالعانداردىڭ ارىز-شاعىمدارىن, وتىنىشتەرىن ساۋساق تاڭباسىنىڭ كومەگىمەن وكىلەتتى ورگانعا جونەلتەتىن ەلەكتروندى تەرمينالدار ورناتىلدى. قازىر مەكەمەلەردەگى بارلىق سوتتالعاندارعا تەرمينالدى پايدالانۋ بويىنشا وقىتۋ جۇرگىزىلدى.
وسى ەلەكتروندى تەرمينال ارقىلى سوتتالۋشى نەمەسە ايىپتالۋشى ازاماتتار ءوزىنىڭ جەكە ءىسى بويىنشا تىكەلەي سوتقا, پروكۋراتۋراعا جانە سىبايلاس جەمقورلىققا قارسى قىزمەتكە ارىز-شاعىم جاساي الادى. ول ءۇشىن الدىمەن, سوتتالعان ارىز-شاعىم نەمەسە ءوتىنىش حات بەرگەن تەرمينالدان ساندىق تۇبىرتەگىن الادى. بۇل تۇبىرتەك ونىڭ ءوتىنىشىن, ارىزىن قاراۋ كەزەگى بولىپ سانالادى.