شاڭعى جارىسىنان جاستار اراسىنداعى الەم چەمپيوناتى مارەسىنە جەتتى

ارالاس ەستافەتادا قازاقستان كومانداسى 17 قۇرامانىڭ ىشىنەن 15-ءشى ورىنعا تابان تىرەدى. قازاقستاندىقتان جەڭىمپاز اتانعان نورۆەگيا قۇراماسىنان 4 مينۋت 50 سەكۋندقا قالىپ قويعان.

15 شاقىرىمعا كلاسسيكالىق ادىسپەن جارىسۋدان قىزدار اراسىنداعى باسەكەدە قازاقستان ساپىنان ەڭ جوعارعى ناتيجەنى ايشا راقىشەۆا تىركەدى. ول 28-ءشى ورىنعا تابان تىرەگەن. ەليزاۆەتا تولماچەۆا 53-ءشى, ماريا گەراششەنكو 57-ءشى ورىندا. ماريا تياتوۆا مارەگە جەتە العان جوق. 

ەرلەر اراسىندا 30 شاقىرىمعا كلاسسيكالىق ادىسپەن جارىسۋدان قازاقستاندىق تەمىرلان راماش 53-ءشى ناتيجەنى كورسەتتى. تەمىرلان تولەگەنوۆ 60-شى, راميل شامسۋتدينوۆ 62-ءشى, ءىلياس يسابەك 71-ءشى ساتىدا. 

ال ەرلەر اراسىنداعى ەستافەتادا قازاقستان كومانداسى 17-ءشى ورىنعا تۇراقتادى.