2021 جىلعى 11 اقپان كۇنى قىزىلوردا وبلىسى بويىنشا قىلمىستىق-اتقارۋ جۇيەسى دەپارتامەنتى قىزمەتكەرلەرى مۇقتاج جاندار ءۇشىن قان تاپسىرىپ, قايىرىمدى ىستەر قاتارىن تولىقتىردى, دەپ حابارلايدى Egemen.kz
دەپارتامەنتتىڭ 10 شاقتى قىزمەتكەرى دونورلىق قانعا مۇقتاج جاندارعا كومەكتەسىپ, ومىرلەرىن قۇتقارۋدى ماقسات ەتىپ قىزىلوردا قالاسىنداعى وبلىستىق قان تاپسىرۋ ورتالىعىنا كەلدى.
باستاماس بۇرىن بارلىق دونورلار مەديتسينالىق تەكسەرۋدەن وتەدى. قارسى كورسەتىلىمدەر بولماعان جاعدايدا عانا قان تاپسىرۋعا رۇقسات ەتىلەدى. ءار دونوردان 450 مل شاماسىندا قان الادى. بارلىق پروتسەدۋرانىڭ ءوزى دايىندىقپەن بىرگە 20 مينۋتقا جۋىق ۋاقىتتى الادى.
ء«بىر دونور – ءبىر ءومىر» دەپ بەكەر ايتىلماسا كەرەك جانە وسى ءىس-ارەكەتىمىز بىرەۋدىڭ اناسىنىڭ, اكەسىنىڭ, بالاسى نەمەسە اعاسىنىڭ ءومىرىن قۇتقارىپ قالاتىنىنا سەنىمدىمىز جانە بارلىق ازاماتتاردى وسىنداي قايىرىمدى ءىس جاساپ, كومەككە مۇقتاج جاندارعا كومەكتەسۋگە شاقىرامىز», دەدى دەپارتامەنت باستىعىنىڭ ورىنباسارى ادىلەت پولكوۆنيگى م.ناكەنوۆ.
ايتا كەتەرلىك جايت, مۇنداي اكتسيا قاجد قىزمەتكەرلەرى ءۇشىن يگى داستۇرگە اينالعان جانە جۇيەلى تۇردە وتكىزىلىپ تۇرادى.