اتىراۋ وبلىسىندا 12 كۇندە ۆاكتسينا العان ادامداردىڭ سانى 1000-عا جۋىقتاپ وتىر, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, 1-12 اقپان ارالىعىندا 983 مەديتسينا قىزمەتكەرى كوروناۆيرۋس ينفەكتسياسىنا قارسى ۆاكتسينا سالدىردى.
«ونىڭ ىشىندە اۋداندارداعى ەمدەۋ مەكەمەلەرىنىڭ 273 قىزمەتكەرى بار. قالعانى – اتىراۋ قالاسىندا ەكپە العاندار. ۆاكتسينا العان مەديتسينا ماماندارى وزدەرىن جاقسى سەزىنەدى. ەكپەدەن كەيىن اۋرۋحاناعا تۇسكەن جاعدايلار تىركەلمەدى», دەپ حابارلادى باسقارمانىڭ ءباسپاسوز قىزمەتىنەن.
قازىر قاۋىپتى ۆيرۋسقا قارسى ۆاكتسينا ارنايى اشىلعان 24 ورىندا سالىنادى.