پەتروپاۆلدا جۇكتى ايەلدى كولىك قاعىپ كەتتى

ول «Mitsubishi Delica» اۆتوكولىگىمەن ايەل ادام جۇرگىزىپ كەلە جاتقان «Hyundai Solaris» -كە سوعىلعان. جابىرلەنۋشى پەتروپاۆل قالاسىنداعى ەمدەۋ مەكەمەلەرىنىڭ بىرىنە جۇگىنىپ, ەمدەلۋگە جاتقىزىلعان. سقو پد جەرگىلىكتى پوليتسيا قىزمەتى باسقارماسىنىڭ ىزدەۋ توبىنىڭ قىزمەتكەرلەرى جول-كولىك وقيعاسىن جاساعان جانە وقيعا ورنىنان كەتىپ قالعان قىزىلجار اۋدانىنىڭ 26 جاستاعى تۇرعىنىن انىقتادى.

قازىر پوليتسيا ونىڭ اۆتوكولىگىن ارنايى تۇراققا قويىپ, وزىنە قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 611-بابى «جۇرگىزۋشىنىڭ جول-كولىك وقيعاسىنا بايلانىستى مىندەتتەردى ورىنداماۋى» بويىنشا ماتەريال جينالدى.

جىل باسىنان بەرى وبلىستا ادامداردىڭ دەنساۋلىقتارىنا زيان كەلتىرىلگەن وقيعا ورنىن تاستاپ كەتۋدىڭ 4 جاعدايى تىركەلىپ, ولاردىڭ ۇشەۋى انىقتالعان.