بۇگىن قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاتسيالار قىزمەتىندە «2021 جىل – قازاقستانداعى بالالار مەن جاسوسپىرىمدەردىڭ كىتاپ وقۋىن قولداۋ جىلى» تاقىرىبىندا ونلاين بريفينگ ءوتتى, دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
جيىنعا مادەنيەت جانە سپورت ۆيتسە-ءمينيسترى نۇرعيسا دəۋەشوۆ, قازاقستان جازۋشىلار وداعىنىڭ باسقارما توراعاسى ۇلىقبەك ەسداۋلەت, جازۋشى, جىرشى, دراماتۋرگ بايانعالي ءالىمجانوۆ, قر ۇلتتىق اكادەميالىق كىتاپحانا باسشىسى ءۇمىتحان مۇڭالباەۆا, اتىراۋ وبلىسى عىلىمي-امبەباپ كىتاپحاناسىنىڭ ديرەكتورى سارا ىزمۇحامەدوۆا قاتىستى.
مادەنيەت جانە سپورت ۆيتسە-ءمينيسترى نۇرعيسا دəۋەشوۆ مەملەكەت باسشىسى قاسىم-جومارت توقاەۆ وتكەن جىلى ۇلتتىق قوعامدىق سەنىم كەڭەسىنىڭ IV وتىرىسىندا بالالار مەن جاسوسپىرىمدەر اراسىنداعى كىتاپ وقۋ ماسەلەسىنىڭ ماڭىزدىلىعىن اتاپ وتكەندىگىن, پرەزيدەنت بۇل ماسەلەدەگى كىتاپحانالاردىڭ مارتەبەسىنە نازار اۋدارا وتىرىپ, ەلىمىزدىڭ بارلىق تۇرعىنىنىڭ كۇش-جىگەرىن وقىرمان ۇرپاقتى تاربيەلەۋگە شاقىرعاندىعىن ايتتى.
«وسىعان وراي, قازاقستان رەسپۋبليكاسىنىڭ مادەنيەت جانە سپورت مينيسترلىگى 2021 جىلدى «قازاقستانداعى بالالار مەن جاسوسپىرىمدەردىڭ كىتاپ وقۋىن قولداۋ جىلى»,-دەپ جاريالايدى.
بالالار مەن جاسوسپىرىمدەردىڭ كىتاپ وقۋىن قولداۋ جىلى اياسىندا وتەتىن ءىس-شارالار رەسپۋبليكانىڭ بارلىق ءوڭىرىن قامتيتىن بولادى», دەدى نۇرعيسا داۋەشوۆ.
وسىدان كەيىن ءسوز العان ۇلىقبەك ەسداۋلەت جازۋشىلار قاۋىمى «بالالار جانە جاسوسپىرىمدەر ادەبيەتى جىلىن» قولدايتىنىن جەتكىزدى.
«كىتاپ – ادامنىڭ ىشكى مادەنيەتىن, رۋحىن, ۇلتجاندىلىقتى قالىپتاستىراتىن نەگىزگى قۇرال. وسى كىتاپ ماسەلەسى, ونىڭ ىشىندە بالالارعا ارنالعان كىتاپتار تاۋەلسىزدىك العاننان بەرى كەنجەلەپ قالعانى جاسىرىن ەمەس. دەسەك تە كەيىنگى ءۇش جىلدا وتاندىق باسپالاردان بالالارعا ارنالعان 364 كىتاپ شىقتى. قازىرگى تاڭدا بالالار كىتاپحاناسىنا 7908 وقىرمان تىركەلگەن. سوڭعى مالىمەتتەرگە سۇيەنسەك, بالالاردىڭ ەڭ كوپ وقيتىن كىتابى – بۇرىنعى كلاسسيكتەردىڭ شىعارمالارى ەكەن», دەدى ول.
ال ءۇمىتحان مۇڭالباەۆا بالالار مەن جاسوسپىرىمدەر ادەبيەتىنىڭ دامۋىنا توقتالدى.
ايتا كەتەيىك, بۇگىنگى تاڭدا قازاقستاندا 258 بالالار مەن جاسوسپىرىمدەر كىتاپحاناسى جۇمىس ىستەيدى. ونىڭ 241-ءى بالالارعا, 11-ءى جاستارعا, التاۋى بالالار مەن جاسوسپىرىمدەرگە ارنالعان.