وعان ۇكىمەت مۇشەلەرى, پارلامەنت ءماجىلىسىنىڭ دەپۋتاتتارى جانە ۇكىمەتتىك ەمەس ۇيىمداردىڭ وكىلدەرى قاتىستى. قۇجاتتىڭ نەگىزگى ماقساتى اكىمشىلىك كەدەرگىلەر تۋدىراتىن نورمالاردى الىپ تاستاۋعا, تاۋار بەلگىلەرى مەن ونەركاسىپ نىساندارىن پايدالانۋ شارتتارىن جەتىلدىرۋگە باعىتتالعان.
جاڭا زاڭ جوباسى بويىنشا 12 زاڭنامالىق اكتىگە 188 تۇزەتۋ ەنگىزۋ ۇسىنىلدى. جاڭا قۇجاتتىڭ باستى-باستى دەگەن بىرقاتار جاڭالىقتارى بار ەكەنىن ايتا كەتۋ كەرەك. زاڭ جوباسىن مەملەكەت باسشىسىنىڭ ەكونوميكالىق ىنتىماقتاستىق جانە دامۋ ۇيىمىنىڭ زياتكەرلىك مەنشىكتى قورعاۋ سالاسىنداعى ستاندارتتارىنا جۇيەلى تۇردە ءوتۋ جونىندەگى تاپسىرماسى بويىنشا ۆەدومستوۆارالىق جۇمىس توبى ازىرلەگەن.
زاڭ جوباسىنىڭ باستى جاڭالىقتارىنا ناقتىراق توقتالا كەتەيىك:
بىرىنشىدەن, زياتكەرلىك مەنشىك وبەكتىلەرىن تىركەۋدىڭ ءبىر دەڭگەيلى جۇيەسى قۇرىلادى.
ەكىنشىدەن, داۋلاردى سوتقا دەيىنگى رەتتەۋ مۇمكىندىگىن كەڭەيتۋ قاراستىرىلىپ وتىر. اتاپ ايتقاندا, اپپەلياتسيالىق كەڭەسكە تاۋار تاڭبالارى مەن فيرمالىق اتاۋلاردىڭ ۇقساستىعى بويىنشا, سونداي-اق تاۋار تاڭبالارىن اگەنت, ديستريبيۋتور اتىنا تىركەۋ بويىنشا داۋلاردى قاراۋ وكىلەتتىگىن بەرۋ ماسەلەسى كورىنىس تاپقان.
ۇشىنشىدەن, قۇقىق يەلەنۋشىلەردىڭ تاۋار تاڭباسىن زاڭسىز پايدالانعانى ءۇشىن وتەماقى الۋ قۇقىعىن قامتاماسىز ەتۋ ۇسىنىلىپ وتىر. ايتا كەتۋ كەرەك, ول اۆتورلىق قۇقىق سالاسىنداعى بۇزۋشىلىقتارعا قاتىستى وتەماقىعا ۇقساس – 500-دەن 10 000 اەك دەيىن.
تورتىنشىدەن, تاۋار تاڭبالارىنا وتىنىمدەردى ساراپتاما ۇيىمىنا تۇسكەن ماتتەن باستاپ جاريالاۋ ءىسى قامتىلىپ وتىر.
ارنۇر اسقاروۆ, «ەگەمەن قازاقستان».