ەندى كاسىپكەرلەر بانك كوميسسياسىن تولەمەيدى

«قاشىقتان ءوزارا ارەكەتتەسۋگە نەگىزدەلگەن ءىرى بيزنەستىڭ كولدەنەڭ مونيتورينگى بويىنشا پيلوتتىق جوبا باستالدى. سونىمەن قاتار, جەكە تۇلعالاردىڭ مۇلكى مەن جەرىنە سالىناتىن سالىقتار بىرىكتىرىلدى. كوپپاتەرلى تۇرعىن ۇيلەردىڭ مەنشىك يەلەرى ءۇشىن جەر سالىعى الىنىپ تاستالدى. جەكە تۇلعالاردىڭ مەنشىگىنە سالىق تولەۋ ىڭعايلى بولۋ ءۇشىن «E-Salyq Azamat» موبيلدىك قوسىمشاسى ىسكە قوسىلدى. POS-تەرمينال مەن ونلاين-باقىلاۋ كاسسالىق ماشيناسىن قولداناتىن جەكە كاسىپكەرلەردىڭ سالىق ەسەپتىلىگىن ۇسىنۋدان بوساتۋ بولىگىندە «E-Salyq-business» قوسىمشاسى ازىرلەنۋدە», دەدى ەرۇلان جاماۋباەۆ.

تۇتاستاي العاندا مينيستر جەكە كاسىپكەرلەردى تىركەۋ مەن جابۋدى وڭايلاتۋ, سالىق ەسەپتىلىگىن تاپسىرۋدى, بانك كوميسسياسىن جانە فيسكالدىق دەرەكتەر وپەراتورلارىنىڭ قىزمەتتەرىنە اقى تولەۋدى الىپ تاستاۋ كوزدەلىپ وتىرعانىن ايتتى.