يتاليا پوليتسياسى ەلدىڭ اكىمشىلىك ايماعىنا جاتاتىن كالابريادا «ندرانگەتا» دەپ اتالاتىن مافيالىق توپتى تۇتقىنداۋ بارىسىندا 49 ادامدى قولعا ءتۇسىردى, دەپ حابارلايدى Egemen.kz ansa.it سايتىنا سىلتەمە جاساپ.
وپەراتسيا 18 قاڭتاردا يتاليانىڭ ونشاقتى قالاسىندا جۇرگىزىلگەن. ۇستالعانداردىڭ بىرقاتار قىلمىستارعا قاتىسى بار. اتاپ ايتقاندا ولار ەسىرتكى ساتۋعا, زاڭسىز قارۋ ساقتاۋعا, بوپسالاۋعا, كىسى ولتىرۋگە وقتالۋ جانە ءتىپتى سايلاۋشىلاردى ساتىپ العان دەگەن كۇدىككە ىلىنگەن.
تۇتقىندالعانداردىڭ اراسىندا كالابرياداعى روزارنو قالاسىنىڭ مەرى دجۋزەپپە يدا دا بار. ول قازىر ءۇي قاماعىنا الىندى.
قالا مەرى 2016 جىلى جەرگىلىكتى «پيزانو» توبىنىڭ قولداۋىمەن ادىلەتسىز سايلانعان بولۋى مۇمكىن دەگەن كۇدىكپەن قامالعان.
روزارنونىڭ تاعى ءبىر شەنەۋنىگى دومەنيكو سكريۆا دا ءۇي قاماعىندا.
ەستەرىڭىزگە سالا كەتەيىك, ءبىر اپتا بۇرىن كالابريادا مافياعا قاتىستى سوڭعى 30 جىلداعى ەڭ ۇلكەن سوت پروتسەسى باستالعان بولاتىن. «ندرانگەتانىڭ» 350-دەن استام مۇشەسىنە 400-دەن استام ايىپ تاعىلىپ وتىر.