پرەزيدەنتتىڭ توراعالىعىمەن ۇكىمەت وتىرىسى وتەدى

«وتكەن جىلدىڭ الەۋمەتتىك-ەكونوميكالىق دامۋ قورىتىندىلارى جانە بيىلعى جىلعا ارنالعان مىندەتتەر وسى ايدىڭ سوڭىندا مەملەكەت باسشىسى قاسىم-جومارت كەمەل ۇلى توقاەۆتىڭ توراعالىعىمەن وتەتىن ۇكىمەتتىڭ كەڭەيتىلگەن وتىرىسىندا قارالاتىن بولادى. جالپى, پاندەميانىڭ ەلەۋلى اسەرىنە جانە جاھاندىق ەكونوميكالىق داعدارىسقا قاراماستان, قازاقستاننىڭ ەكونوميكاسى تۇراقتى ەكەنىن كورسەتتى», - دەدى اسقار مامين.

ونىڭ ايتۋىنشا, ناقتى سەكتورداعى نەگىزگى سالالار, سونىڭ ىشىندە وڭدەۋ ونەركاسىبى, قۇرىلىس جانە اۋىل شارۋاشىلىعى سالالارىنداعى ءوسىم – ەكونوميكانىڭ تۇراقتى بولۋىنىڭ باستى فاكتورلارىنا اينالدى.

«اتاپ ايتقاندا, وڭدەۋ ونەركاسىبىندە ءوسىم 3,9 پايىزعا, ونىڭ ىشىندە مەتاللۋرگيا وندىرىسىندە – 2,6, تاماق ونىمدەرىنىڭ وندىرىسىندە – 4, فارماتسەۆتيكادا – 47, دايىن مەتالل بۇيىمدارىنىڭ وندىرىسىندە – 19,7, ماشينا جاساۋدا – 16,3, ونىڭ ىشىندە اۆتوموبيل جاساۋدا – 52,5, سونداي-اق قاعاز ونىمدەرىنىڭ وندىرىسىندە – 16,4 جانە جەڭىل ونەركاسىپتە 15 پايىزعا ءوسىم قامتاماسىز ەتىلدى. قۇرىلىس كولەمى 11,2 پايىزعا ارتتى. 15,3 ملن شارشى مەتر تۇرعىن ءۇي پايدالانۋعا بەرىلىپ, بۇل كورسەتكىش 16,8 پايىزعا ارتتى. وسىنداي جوعارى كورسەتكىش بۇرىن بولماعانىڭ اتاپ ءوتۋ قاجەت. اۋىل شارۋاشىلىعىندا تۇراقتى ءوسۋ 5,6% پايىز دەڭگەيىندە قامتاماسىز ەتىلدى», دەدى ول.