نۇروتاندىقتاردى قۇتتىقتادى

ءبىرىنشى كەزەكتە ايتا كەتەيىك, exit-poll قورىتىندىسىنا سايكەس Nur Otan پارتياسى سايلاۋشىلاردىڭ 71,97 پايىز داۋىسىن جينادى.

– بارشاڭىزدى Nur Otan پار­تياسىنىڭ ايقىن جەڭىسىمەن قۇت­تىق­تايمىن. Exit-poll-دىڭ الدىن الا ناتيجەلەرى قازاقستاندىقتار ەلىمىزدىڭ ءارى قاراي دامۋىن ءبىزدىڭ پارتيامىزبەن بايلانىستىراتىنىن كورسەتتى. سايلاۋدىڭ ەل تاۋەلسىزدىگىنىڭ 30 جىل­دىعىمەن تۇسپا-تۇس كەلۋىنىڭ سيم­ۆولدىق ءمانى بار. وسى ۋاقىتتا وراسان زور جۇمىس اتقارىلدى. ەڭ باس­تىسى – جاڭا اۋقىمدى ماقساتتارعا قول جەتكىزۋ ءۇشىن بەرىك نەگىز قالاندى, – دەدى ەلباسى.

Nur Otan پارتياسىنىڭ توراعاسى سايلاۋالدى ۇگىت-ناسيحات ناۋقانى مەن سايلاۋ پاندەميا جانە سونىڭ سالدارىنان تۋىنداعان ەكونوميكالىق داعدارىس جاعدايىندا وتكەنىن ايتتى.

– الەمدە كوروناۆيرۋس ىندە­تىنە شالدىققاندار سانى ارتۋدا. دۇ­نيەجۇزىلىك بانك الەمدىك ەكونو­ميكا قۇلدىراپ, جۇمىس­سىزدىق وسەدى دەپ بولجاپ وتىر. بۇل جاعدايدا ءبىر­تۇتاس ساياسي كۇشتىڭ اينالاسىنا توپتاسقان قوعام عانا جەڭىسكە جەتەدى, – دەدى قازاقستاننىڭ تۇڭعىش پرە­زي­دەنتى.

نۇرسۇلتان نازارباەۆ بۇگىنگى جەتىستىك جۇمىلا اتقارىلعان جۇمىس پەن پارتيانىڭ ءاربىر مۇشەسىنىڭ ەسەلى ەڭبەگىنىڭ ناتيجەسى ەكەنىن اتاپ ءوتتى.

– بارشاڭىزعا اتقارىلعان جۇمىس ءۇشىن ريزاشىلىعىمدى بىلدىرەمىن جانە تەك جاقسىلىق تىلەيمىن. ناۋقان ءتيىمدى ءارى ناتيجەلى ءوتتى. پارتيا قاتارى جاڭاردى. حالىق اراسىندا بەدەلى بيىك جاڭا كوشباسشىلارىمىز بار. ءار اۋداننىڭ, قالانىڭ, وبلىستىڭ دامۋى ءۇشىن حالىقتىق باعدارلامالار ازىرلەندى, – دەدى پارتيا توراعاسى.

ەلباسى Nur Otan پارتياسىنىڭ سايلاۋالدى باعدارلاماسى بەس ينستي­تۋ­تسيونالدىق رەفورمانىڭ, سونىڭ ىشىندە مەملەكەت باسشىسىنىڭ حالىققا جول­داۋىندا بەرگەن تاپسىرمالارىنىڭ جال­عاسى ەكەنىن ايتتى.

– Nur Otan پارتياسىنىڭ باستى ماقساتى – حالىقتىڭ تۇرمىسىن جاق­سارتۋ جانە ەلدىگىمىزدى نىعايتا بەرۋ. ەل بولىپ بىرىگە بىلسەك, الىنبايتىن اسۋ جوق. باسىمىزعا تۇسكەن قيىن­دىق­تاردى ءبىز ءاردايىم بىرگە ەڭسەرىپ, جەتىس­تىكتەرگە بىرلەسە جەتەمىز. بار­شاڭىزدى پارتيامىزدىڭ بۇگىنگى جەڭىسىمەن قۇتتىقتايمىن, – دەدى ەلباسى.