جاڭا جوبا اۋدان اكىمدىگىنىڭ عيماراتىندا جۇمىسىن باستادى, - دەپ حابارلايدى Egemen.kz
قر سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ باسشىسى ق.سۇلەيمەنوۆتىڭ ايتۋىنشا, «اشىق اكىمدىك» كەڭسەسى مەملەكەت باسشىسى قاسىم-جومارت توقاەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ءۇشىن قولعا الىندى. باستى ماقسات – تۇرعىنداردىڭ وتىنىشىنە دەن قويىپ, ولار كەزىككە ماسەلەلەردىڭ تەز شەشىمىن تابۋىنا ىقپال ەتۋ. سونداي-اق سىبايلاس جەمقورلىق ارەكەتىنىڭ الدىن الىپ, جولىن كەسۋدى كوزدەلىپ وتىر.
«اتالعان جوبا – «open space» فورماتىندا حالىققا قولايلى جاعداي قالىپتاستىرۋداعى ەڭ وڭتايلى نۇسقا. مۇندا تۇرعىن ءۇي كەزەگى, الەۋمەتتىك سالا, جەر ماسەلەلەرى بويىنشا ارنايى ماماندار قىزمەت كورسەتەدى. ءوز-وزىنە قىزمەت كورسەتۋ بۇرىشى دا بار. «اشىق اكىمدىك» كەڭسەسىندە 104 مەملەكەتتىك قىزمەتتىڭ 34 ءتۇرىن بىردەن الۋعا بولادى» دەيدى اۋدان اكىمى مەيىرىم قالاۋي.
اۋدان اكىمدىگىنىڭ عيماراتىندا ورنالاسقان «اشىق اكىمدىك» كەڭسەسىندە بالالارعا ارنالعان ويىن الاڭى جاساقتالدى. مۇندا اۋدان اكىمى ازاماتتاردى جەكە ماسەلەلەرمەن قابىلدايدى.