بۇگىن ءبىلىم جانە عىلىم ءمينيسترى اسحات ايماعامبەتوۆتىڭ توراعالىعىمەن ۇكىمەت جانىنداعى كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ وتىرىسى بەينەكونفەرەنتسيا رەجىمىندە ءوتتى, دەپ حابارلايدى Egemen.kz
«بالالار قۇقىعىن قورعاۋ – ەڭ ماڭىزدى ماسەلەنىڭ ءبىرى. ۆيدەوكامەرا بويىنشا مەكتەپ بولسىن, بالاباقشا بولسىن وتە جاقسى ديناميكا بار. بۇل تۇرعىدا وتە بەلسەندى جۇمىس جۇرگىزگەن ايماقتارعا العىس ايتامىن. باردى بار دەپ ايتۋىمىز كەرەك. مەكتەپ سىرتىنداعى اجەتحانالار جايىندا دا سولاي دەۋگە بولادى. ءبىز بۇل ماسەلەنى جىلدار بويى كوتەرىپ كەلدىك. وسى جىلدىڭ باسىندا 2352 مەكتەپتە اجەتحانا سىرتتا ەدى. قازىرگى تاڭدا مەكتەپتەردىڭ 99 پايىزىندا بۇل ماسەلە رەتكە كەلتىرىلدى. دەگەنمەنع ءالى دە مونتاجداۋ جۇمىستارى جۇرگىزىلىپ جاتقان مەكتەپتەر بار», دەدى اسحات ايماعامبەتوۆ.
مينيستر جاۋاپتى كوميتەت مەكتەپتەردى ارالاپ شىققانىن ايتىپ ءوتتى.
«وسى ماسەلەلەر كوميسسيانىڭ ءاربىر وتىرىسىندا جەكە قارالادى. وسىنى ارىپتەستەرىمە ەسكەرتكىم كەلەدى. بۇل وتە ماڭىزدى», دەدى مينيستر.