جاڭا جىل قارساڭىندا جەتىم, اتا-اناسىنىڭ قامقورلىعىنسىز قالعان جانە ءبىلىم بەرۋدە ەرەكشە قاجەتتىلىكتەرى بار 650 بالاعا سىيلىقتار تابىس ەتىلدى, دەپ حابارلايدى Egemen.kz.
بيىل پاندەمياعا بايلانىستى بارلىق ەرتەڭگىلىكتەرگە تىيىم سالىندى, سوندىقتان اياز اتا مەن اقشاقار ءار بالاعا جەكە قۇتتىقتاۋلارمەن بارادى. كەزدەسۋلەر بارلىق سانيتارلىق نورمالاردى ساقتاي وتىرىپ وتكىزىلەدى.
«بيىل ءار بالاعا قازاقستان رەسپۋبليكاسى پرەزيدەنتىنىڭ سىيلىقتارى اكىمدىكپەن جەكە جەتكىزىلەدى. بۇل ەرەكشە ءبىلىم بەرىلۋىنە قاجەتتىلىگى بار, اتا-اناسىنىڭ قامقورلىعىنسىز قالعان 200 جەتىم بالا. بالالارعا قۇتتىقتاۋ حاتتار, كىتاپتار, كيىم ساتىپ الۋ ءۇشىن 100 مىڭ تەڭگەنىڭ سەرتيفيكاتتارى تابىس ەتىلدى.
سونداي-اق 450 بالاعا اكىمنىڭ اتىنان سىيلىقتار تابىستادىق. ولار: اتا-اناسىنىڭ قامقورلىعىنسىز قالعان, از قامتىلعان, كوپ بالالى بالالار. دارىندى بالالار دا قۇتتىقتالادى», - دەدى نۇر-سۇلتان قالاسى ءبىلىم باسقارماسى باسشىسىنىڭ ورىنباسارى ريمما يمانعازينوۆا.
قالتاعا ءتاتتى سىيلىقتار, دامىتۋشى ويىنشىقتار مەن كيىم دۇكەنىنەن سەرتيفيكاتتار سالىنعان.
"بالالار ءبىزدى ارقاشان شىنايى ك ۇلىمسىرەپ قارسى الادى جانە كەز-كەلگەن كوڭىلگە قۋانادى. شىن جۇرەكتەن جاڭا جىلدا بەيبىتشىلىك, جىلۋلىق پەن كەلىسىم تىلەيمىن", - دەيدى قۇتتىقتاۋشىلار.
بۇعان دەيىن حابارلانعانداي, «30 يگى ءىس» اكتسياسى اياسىندا ەرىكتىلەر ەرەكشە بالالار مەن تولىق ەمەس وتباسى بالالارىنا قويىلىمدار قويدى. سونىمەن قاتار, «جاس سارباز» قوزعالىسى مەن اكىمدىك وكىلدەرى اقكولدەگى بالالار ءۇيىنىڭ تاربيەلەنۋشىلەرىن قۇتتىقتادى.