تاراپتاردىڭ باستاماسى بويىنشا سىبايلاس جەمقورلىققا قارسى ءىس-قيمىل اگەنتتىگى مەن ۇلتتىق ەكونوميكا مينيسترلىگى باسشىلىعىنىڭ كەزدەسۋى ءوتتى. نەگىزگى كۇن ءتارتىبى مينيسترلىك جەتەكشىلىك ەتەتىن سالالاردا جەمقورلىقتىڭ الدىن الۋ باعىتى بويىنشا ءوزارا ءىس-قيمىل ماسەلەلەرىنە باعىتتالعان, دەپ حابارلايدى Egemen.kz.
بەينەكونفەرەنتسيا بايلانىسى ارقىلى وتكەن ءىس-شاراعا سىبايلاس جەمقورلىققا قارسى قىزمەتتىڭ, قر ۇەم, تابيعي مونوپوليالاردى رەتتەۋ كوميتەتىنىڭ جانە «ميكروگرافيا عىلىمي-زەرتتەۋ ينستيتۋتى» رمم اۋماقتىق بولىمشەلەرى دە قاتىستى.
كەڭەستى اشقان ۇلتتىق ەكونوميكا ءمينيسترى رۋسلان دالەنوۆ جەمقورلىققا قارسى ءىس-قيمىل ماسەلەلەرىندە ورگاننىڭ قاعيداتتىق ۇستانىمدى ۇستاناتىنىن اتاپ ءوتتى. «بۇل باعىتتا جۇيەلى جانە ماقساتتى جۇمىس جۇرگىزىلۋدە», – دەپ اتاپ ءوتتى ەكونوميكالىق ۆەدومستۆو باسشىسى.
بيزنەس-ۇدەرىستەردى فۋنكتسيونالدىق تالداۋمەن جانە وڭتايلاندىرۋمەن بايلانىستى نەگىزگى شارالارمەن قاتار, قىزمەتكەرلەر اراسىندا ادالدىق جانە پاراساتتىلىق مادەنيەتىن قالىپتاستىرۋعا باعىتتالعان باستاماشىلىق جوبالار ىسكە قوسىلدى.
ۇەم ورتالىق اپپاراتىندا ارنايى بولىمشە – سىبايلاس جەمقورلىققا قارسى ءىس-قيمىل باسقارماسى قۇرىلدى. بۇدان باسقا, ءاربىر بولىمشەدە ءبىر قىزمەتكەر «سىبايلاس جەمقورلىققا قارسى كەڭەسشىنىڭ» مىندەتتەرىن ورىندايدى. مىسالى, ول سىبايلاس جەمقورلىققا قارسى ستاندارتتىڭ ورىندالۋىن قامتاماسىز ەتە وتىرىپ, شەتەلدىك سەرىكتەستەرمەن كەلىسسوزدەرگە قاتىسادى. ورگاندا مۇنداي 24 كەڭەسشى جۇمىس ىستەيدى.
جاقسارتۋعا ىنتالاندىراتىن تاعى ءبىر قۇرال – «پاراساتتىلىق ەستافەتاسى». شىن مانىندە, ءبىر قۇرىلىمدىق بولىمشە سىبايلاس جەمقورلىق تاۋەكەلدەرىن انىقتاۋ بويىنشا جۇمىستى ورىنداپ, ەتيكالىق ستاندارتتارعا سايكەستىك دەڭگەيىن جوعارىلاتادى, سودان كەيىن كەزەكتى جاقسارتۋ جۇمىستارى قاجەت باسقا بولىمگە بەرەدى.
ءوز كەزەگىندە اگەنتتىك سپيكەرلەرى مينيسترلىك قىزمەتىندەگى ءبىرىنشى كەزەكتە باقىلاۋ-رۇقسات بەرۋ فۋنكتسيالارىنا بايلانىستى سىبايلاس جەمقورلىق تاۋەكەلدەرىنە نازار اۋداردى. وسى تۇرعىدا ءاربىر بولىمشە بويىنشا سىبايلاس جەمقورلىق تاۋەكەلدەرىنە ىشكى تالداۋ جۇرگىزۋ اۋقىمىن, ساپاسىن جەدەلدەتە ارتتىرۋدىڭ اسا قاجەتتىلىگى بەلگىلەندى.
اگەنتتىكتىڭ تالداۋشىلارى نەگىزگى قيىندىقتار مەن ولقىلىقتار تابيعي مونوپوليالاردى رەتتەۋ كوميتەتىندە شوعىرلانعانىن كورسەتتى. بۇل رەتتە ەكونوميكانىڭ جەكەلەگەن سالالارىندا باسەكەلەستىكتىڭ بولماۋى ءسوزسىز سىبايلاس جەمقورلىقتى تۋدىراتىنى اتاپ ءوتىلدى.
تاراپتار كەلەسى جىلدىڭ ءبىرىنشى جارتىسىندا اشىقتىق پەن ايقىندىق قاعيداتتارىن ەسكەرە وتىرىپ, ۆەدومستۆولىق باقىلاۋدى ارتتىرۋ ماقساتىندا ۇسىنىمدار مەن ناقتى شارالاردى ازىرلەۋگە باعىتتالعان سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ تۋرالى ۋاعدالاستى.
اليك شپەكباەۆ سىبايلاس جەمقورلىققا قارسى باستامالاردىڭ ىسكە اسىرىلۋ بارىسىن جاريا ەتە وتىرىپ, دەربەس جاۋاپكەرشىلىك تۋرالى نورمالار تۇرعىسىنان سىبايلاس جەمقورلىق قۇقىق بۇزۋشىلىقتاردىڭ الدىن الۋىن السىرەتەتىن باسشىلارعا قاتىستى قاعيداتتىق شەشىمدەر قابىلداۋدىڭ ماڭىزدىلىعىن اتاپ ءوتتى.
«بۇل كورسەتكىش بولاشاقتا ءسىزدىڭ تاعدىرىڭىزعا جانە مانساپتىق وسۋىڭىزگە اسەر ەتەدى. بۇل تۇرعىدا ءبىرىنشى كەزەكتە مەملەكەتتىك قىزمەتتەردى, سونداي-اق تۇرمىستىق سىبايلاس جەمقورلىقتىڭ الدىن الۋ ماقساتىندا بيزنەس-ۇدەرىستەردى تولىق اۆتوماتتاندىرۋ جانە تسيفرلاندىرۋ ماسەلەلەرىنە ەرەكشە نازار اۋدارۋ قاجەت», - دەپ اتاپ ءوتتى اگەنتتىك توراعاسى.
ول سونداي-اق قىزمەت كورسەتۋدىڭ سەرۆيستىك ۇلگىسىنە كوشۋدىڭ ماڭىزدىلىعىن ەسكە سالدى. ءسوز قر تمرك اۋماقتىق دەپارتامەنتتەرىندە كورسەتىلەتىن قىزمەت الۋشىلار مەن تۇتىنۋشىلارعا باعدارلانۋشىلىق ءۇشىن قولايلى جاعدايلار جاساۋ تۋرالى بولىپ وتىر.
اگەنتتىك جانىنداعى ارنايى مونيتورينگتىك توپتىڭ جەتەكشىسى ايگۇل سولوۆەۆا ساراپشىلار قاۋىمداستىعىنىڭ اتىنان سويلەگەن سوزىندە بىلاي دەدى: «مينيسترلىك قىزمەتكەرلەرى جۇرتشىلىق ءۇشىن اشىلۋى ءتيىس. «ۇلتتىق ەكونوميكا مينيسترلىگى – ادالدىق الاڭى» جوبالىق كەڭسەسى ونىڭ قۇرامىنا جانە ساراپتامالىق كەڭەسكە ازاماتتىق قوعام مەن باق وكىلدەرىن تارتۋ ەسەبىنەن ءوزارا ءىس-قيمىلدىڭ ءتيىمدى الاڭىنا اينالۋعا ءتيىس».