شىمكەنت قالالىق توتەنشە جاعدايلار دەپارتامەنتىنىڭ باستىعى, ازاماتتىق قورعاۋ پولكوۆنيگى ماديار جاقسىباەۆ قالادا جاڭا جىل مەرەكەسى قارساڭىندا قاۋىپسىزدىك شارالارىنىڭ ساقتالۋى بويىنشا ءباسپاسوز بريفينگىن وتكىزدى, دەپ حابارلايدى Egemen.kz.
دەپارتامەنت باستىعىنىڭ مالىمدەۋىنشە, مەرەكە كەزەڭىندە ءورت قاۋىپسىزدىگىن ساقتاۋ بويىنشا ءىس-شارالار جوسپارى ازىرلەنگەن. ءبىرىنشى كەزەڭدە ءىرى ساۋدا ورتالىقتارىندا, بازارلاردا قالا تۇرعىندارى اراسىندا ۇگىت-ناسيحات جۇمىستارى جۇرگىزىلۋدە. ادامدار كوپ جينالاتىن نىساندار ەرەكشە باقىلاۋدا.
دەپارتامەنت باستىعىنىڭ مالىمدەۋىنشە, مەرەكە كەزەڭىندە ءورت قاۋىپسىزدىگىن ساقتاۋ بويىنشا ءىس-شارالار جوسپارى ازىرلەنگەن. ءبىرىنشى كەزەڭدە ءىرى ساۋدا ورتالىقتارىندا, بازارلاردا قالا تۇرعىندارى اراسىندا ۇگىت-ناسيحات جۇمىستارى جۇرگىزىلۋدە. ادامدار كوپ جينالاتىن نىساندار ەرەكشە باقىلاۋدا.
ەكىنشى كەزەڭ بويىنشا شىمكەنت قالاسىنىڭ پوليتسيا دەپارتامەنتىمەن بىرلەسىپ پيروتەحنيكالىق زاتتاردى ساتاتىن بازارلار مەن ءىرى ساۋدا ورىندارىندا (بەكجان, سامال, الاش, اينا, اقبار, قىرعى بازارلارى جانە مەگا ورتالىق, بايان سۇلۋ, ماگنۋم بازارلارى) رەيدتىك ءىس-شارالار ۇيىمداستىرىلۋدا.
– مەرەكە كەزىندە قالا اۋماعىندا قاۋىپسىزدىك شارالارىن ساقتاۋ, بولۋى مۇمكىن توتەنشە جاعدايلاردىڭ الدىن الۋ ءىس-شارالارى اتقارىلۋدا. پيروتەحنيكالىق بۇيىمدار ساتىلاتىن ءىرى ساۋدا ۇيلەرىنىڭ, بازارلاردىڭ باسشىلارىمەن كەزدەسۋلەر وتكىزىلدى. سونداي-اق, پيروتەحنيكالىق زاتتار ساتىلاتىن ءىرى ساۋدا ورىندارى مەن بازارلار بويىنشا رەيدتىك ءىس-شارالار جۇرگىزىلۋدە. پيرتوەحنيكالىق زاتتاردى ساقتاۋ جانە ساتۋعا ليتسەنزيا بولماعان كاسىپكەرلەر جاۋاپكەرشىلىككە تارتىلادى, – دەدى دەپارتامەنت باسشىسى.
قالادا بۇگىنگە دەيىن 21 رەيدتىك ءىس-شارا وتكىزىلىپ, 4 حاتتاما تولتىرىلعان. ماديار ەسەنگەلدى ۇلى سانيتارلىق نورمالاردى ساقتاۋ, قاۋىپسىزدىك ەرەجەلەرىنە ءمان بەرۋ بويىنشا تۇرعىندار اراسىندا ءتۇسىندىرۋ جۇمىستارى جۇرگىزىلەتىنىن اتاپ ءوتتى.