11 قاڭتاردا ءۇشىنشى - وقۋ جىلىنداعى ەڭ ۇزاق توقسان باستالادى. 1-5 سىنىپ وقۋشىلارى دا «كەزەكشى سىنىپ» رەجيمىندە ءبىلىمىن جالعاستىرادى. بۇل تۋرالى بريفينگ بارىسىندا نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا ايتتى, دەپ حابارلايدى Egemen.kz.
ۆەدومستۆوارالىق كوميسسيا شەشىمىمەن وقۋ ورىندارىنىڭ جۇمىسىنا وزگەرتۋلەر ەنگىزىلدى.
ء«ۇشىنشى توقساندا ءبىتىرۋ سىنىپتارى (9, 11, 12 سىنىپتار) كەزەكشى ساباق ءپرينتسيپى بويىنشا ارالاس فورماتتا وقۋدى باستايدى. سىنىپتاعىلار سانى 15 ادامنان اسپايدى. وفلاين ساباق كەستەسىنە ينۆاريانتتى كومپونەنتتىڭ پاندەرى كىرەدى: ورىس ءتىلى مەن ادەبيەتى, قازاق ءتىلى مەن ادەبيەتى, شەت ءتىلى, الگەبرا, گەومەتريا, فيزيكا, حيميا, بيولوگيا, گەوگرافيا, قازاقستان تاريحى جانە دۇنيەجۇزى تاريح. بۇل پاندەردىڭ 70%-ى.
قالعان 30% پاندەر قاشىقتان وقۋ فورماتىندا وتەدى. بۇل ينفورماتيكا, ءوزىن-ءوزى تانۋ, دەنە شىنىقتىرۋ, قۇقىق نەگىزدەرى, العاشقى اسكەري دايىندىق. سونداي-اق اۋىسپالى كومپونەنتتىڭ تاقىرىپتارى كەستەگە سايكەس اسينحروندى تۇردە وتەدى», - دەدى ش.قادىروۆا.بيىلعى وقۋ جىلىندا ەلوردادا 9-سىنىپتا 13 215, 11-سىنىپتا 7567 بالا وقيدى.
«مەكتەپتەردە يكەمدى كەستەلەر بولادى, ساباقتار اراسىنداعى ءۇزىلىس ءار سىنىپقا ءار ءتۇرلى ۋاقىتتا بولادى, ال الەۋمەتتىك الشاقتىق ءۇشىن اۋىسىم كوبەيتىلەدى. ءبىر ساباقتىڭ ۋاقىتى 5 مينۋتتىق ۇزىلىسپەن 30 مينۋتتان اسپايدى», - دەپ ءتۇسىندىردى سپيكەر.ءبىلىم بەرۋدى جاڭعىرتۋ ورتالىعى ءۇشىنشى توقساندا قالانىڭ بارلىق مەكتەپتەرى باسشىلىققا الاتىن ادىستەمەلىك ۇسىنىستار, كەستە جاسادى. ساباق كەستەسىن قۇرۋ كەزىندە جوعارى سىنىپ وقۋشىلارىنىڭ جاس ەرەكشەلىكتەرى, ولاردىڭ قابىلەتتەرى مەن قاجەتتىلىكتەرى, سونداي-اق 11-سىنىپ وقۋشىلارىنىڭ جاڭارتىلعان ءبىلىم بەرۋ مازمۇنىنا كوشۋى جانە كىرىكتىرىلگەن ساباقتاردى وتكىزۋ مۇمكىندىگى ەسكەرىلدى.«سونىمەن بىرگە اتا-انالار مەن مۇعالىمدەردىڭ كەلىسىمىمەن مەكتەپ وقۋشىلارىنىڭ ءبىلىم الۋدا جوعالتقان ۋاقىتىنىڭ ورنىن تولتىرۋ جانە ساباقتان تىس كەزلە قورىتىندى اتتەستاتتاۋعا دايىندالۋ ماقساتىندا 5 ادامنان اسپايتىن توپتاردا جەكە كونسۋلتاتسيالار ۇيىمداستىرىلادى. ساباقتىڭ ۋاقىتى كەستەگە سايكەس. بۇل شەشىم اتا-انالار مەن مۇعالىمدەردىڭ پىكىرىن ەسكەرە وتىرىپ قابىلداندى. وزدەرىڭىز بىلەتىندەي, وقۋ جىلىنىڭ سوڭىندا ءبىتىرۋشى سىنىپتار قورىتىندى اتتەستاتتاۋدان جانە ۇبت-دان وتەدى. بۇل ماسەلەگە ەرەكشە نازار اۋدارۋ كەرەك», - دەدى ش. قادىروۆا.
ايتا كەتەيىك, مەكتەپتەردەگى بارلىق ءىس-شارالار مەن ساباقتار سانيتارلىق نورمالارعا سايكەس وتەدى.