بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
دەپۋتاتتار قاراۋىنا ديپلوماتيالىق قىزمەت تۋرالى زاڭ جوباسى ۇسىنىلدى. اتالعان زاڭ جوباسىن قابىلداۋ ديپلوماتيالىق قىزمەت ورگاندارى جۇيەسىنىڭ قىزمەتىن نورماتيۆتىك رەتتەۋدى جەتىلدىرۋگە, حالىقارالىق ۇيىمداردا جۇمىس ىستەۋ ءۇشىن ديپلوماتيالىق قىزمەت پەرسونالىنىڭ ىنتاسىن ارتتىرۋعا, وسى ورگانداردىڭ قارجىلىق ءتارتىبىن نىعايتۋعا جانە ولقىلىقتاردى جويۋعا مۇمكىندىك بەرەدى.
سونىمەن قاتار راتيفيكاتسيالاناتىن زاڭ جوبالارى دا قاراستىرىلعان.
اتاپ ايتقاندا: ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان سەربيا رەسپۋبليكاسى اراسىنداعى ەركىن ساۋدا تۋرالى كەلىسىم, سونداي-اق, 2014 جىلعى 29 مامىرداعى ەۋرازيالىق ەكونوميكالىق وداققا قاتىستى شارتقا وزگەرىستەر ەنگىزۋ تۋرالى حاتتاما. بيۋرو وتىرىسىندا ءماجىلىس دەپۋتاتتارى كاسپي تەڭىزىندە قىزمەتتى جۇزەگە اسىرۋعا بايلانىستى, ونەركاسىپتىك قاۋىپسىزدىك جانە عىلىم ماسەلەلەرى بويىنشا زاڭ جوبالارىن ەكىنشى وقىلىمدا قاراماق. كۇن ءتارتىبىنىڭ جوباسىنا ينكليۋزيۆتى ءبىلىم بەرۋ تۋرالى زاڭ جوباسىمەن جۇمىستى ودان ءارى جالعاستىرۋ كوزدەلگەن.
سونداي-اق, پالاتانىڭ الداعى جالپى وتىرىسىندا سوت-ساراپتاما قىزمەتى ماسەلەلەرى بويىنشا زاڭ جوباسىن جۇمىسقا الۋ جوسپارلانعان.