قورعانىس مينيسترلىگىنىڭ سپورت كوميتەتى – ورتالىق سپورت كلۋبىنىڭ مەرزىمدى قىزمەت اسكەري قىزمەتشىسى قاتارداعى جاۋىنگەر تەمىرلان تولەگەنوۆ FIS جارىستارىنىڭ كۇنتىزبەسىنە كىرەتىن شاڭعى جارىسىنان قازاقستان كۋبوگىندا كۇمىس مەدالدى جەڭىپ الدى, دەپ حابارلايدى Egemen.kz.
جارىس ششۋچينسك قالاسىنىڭ ۇلتتىق شاڭعى سپورتى ورتالىعىندا ءوتتى. جۇلدەلى ورىن ءۇشىن قازاقستاننىڭ 11 وڭىرىنەن كەلگەن سپورتشىلار, سونداي-اق شەتەلدەن, ونىڭ ىشىندە بەلارۋسسيا مەن رەسەيدەن كەلگەن شاڭعىشىلار باق سىناستى.
تۋرنير بارىسىندا 15 كيلومەترگە ەركىن ستيلدەگى جەكە جارىستا ارميالىق سپورتشى قاتارداعى جاۋىنگەر تەمىرلان تولەگەنوۆ ەكىنشى ورىن الىپ, 2021 جىلى فينليانديادا جاسوسپىرىمدەر اراسىندا وتەتىن الەم چەمپيوناتىنا قاتىسۋعا ىرىكتەۋدەن ءوتتى.