پاۆلودار وبلىسىندا ءيتىن اۆتوموبيلمەن سۇيرەگەن ازاماتقا قاتىستى قىلمىستىق ءىس قوزعالدى, دەپ حابارلايدى Egemen.kz Polisia.kz-كە سىلتەمە جاساپ.
23 جەلتوقساندا Instagram الەۋمەتتىك جەلىسىنە مونيتورينگ جۇرگىزۋ كەزىندە Polezno.ekb پاراقشاسىندا ەكىباستۇز قالاسىندا بەلگىسىز جۇرگىزۋشىنىڭ اۆتوكولىكپەن يت سۇيرەپ كەلە جاتقانى تۋرالى بەينەجازبا انىقتالدى.
ىزدەستىرۋ ناتيجەسىندە پوليتسيا قىزمەتكەرلەرى بەينەجازباداعى جۇرگىزۋشىنى انىقتادى, ول ەكىباستۇز قالاسىنىڭ 72 جاستاعى تۇرعىنى بولىپ شىقتى. ەر ادامنىڭ ايتۋىنشا, ول ءوزىنىڭ «الاباي» تۇقىمداس ءيتىن ۆەتەرينارلىق ەمحاناعا اپارعان. الايدا كارىلىگىنە بايلانىستى, ءيتىن قايتار جولدا كولىككە وتىرعىزا الماعان. ەر ادامعا قاتىستى جانۋارعا قاتىگەزدىك كورسەتۋ فاكتىسى بويىنشا قر قىلمىستىق كودەكسىنىڭ 316-بابى (جانۋارلارعا قاتىگەزدiك جاساۋ) بويىنشا سوتقا دەيىنگى تەرگەۋ باستالدى. كولىك اۆتوتۇراققا قويىلدى.