قازاقستان تاجىكستانعا اۆتوكولىكپەن «كوكشەتاۋ-4پ» وكپەنى جاساندى جەلدەتۋ ءموبيلدى اپپاراتتارىنىڭ 100 جيىنتىعىن جىبەردى, دەپ حابارلايدى Egemen.kz.
يندۋستريا جانە ينفراقۇرىلىمدىق دامۋ مينيسترلىگى پرەزيدەنت قاسىم-جومارت توقاەۆتىڭ تاپسىرماسىن جانە قازاقستان رەسپۋبليكاسى ۇكىمەتىنىڭ 2020 جىلعى 10 جەلتوقسانداعى № 837 «تاجىكستان رەسپۋبليكاسىنا رەسمي گۋمانيتارلىق كومەك كورسەتۋ تۋرالى» قاۋلىسىن ورىنداۋ شەڭبەرىندە قۇرىلعىلار جىبەردى.
ەستەرىڭىزگە سالا كەتەيىك, «كوكشەتاۋ-4پ» اپپاراتتارى كوكشەتاۋداعى «تىنىس» زاۋىتىندا قۇراستىرىلادى. كاسىپورىن ايىنا شامامەن 500 وسىنداي قۇرىلعى شىعارادى. ال ءبىر اپپاراتتىڭ باعاسى 750 مىڭ تەڭگەنى قۇرايدى. بۇل قۇرىلعىلار ءموبيلدى تۇردە جۇمىس ىستەيدى. مىسالى, ولاردى جەدەل جاردەمگە ورناتۋعا نەمەسە ۇيدە پايدالانۋعا بولادى.