ماكينسك قۇس فابريكاسىن كەڭەيتۋ ازىق-ت ۇلىك قاۋىپسىزدىگىن نىعايتادى - اسقار مامين

قۇس فابريكاسى كەڭەيتۋدەن كەيىن ورتالىق ازياداعى تاۋىق ەتىن ءوندىرۋ كولەمى بويىنشا ءىرى كاسىپورىنعا اينالدى. ساعاتىنا 9 مىڭ برويلەردى قايتا وڭدەۋ قۋاتتىلىعى قۇس ەتىن ءوندىرۋدى جىلىنا 25 مىڭ توننادان 60 مىڭ تونناعا دەيىن ارتتىرۋعا, قازاقستاننىڭ ىشكى نارىعىنىڭ قاجەتتىلىگىن 22%-عا دەيىن قامتاماسىز ەتۋگە جانە ءونىم يمپورتى ۇلەسىن 42%-دان 33%-عا دەيىن قىسقارتۋعا مۇمكىندىك بەرەدى. 2-كەزەكتى ىسكە قوسقاننان كەيىن كاسىپورىنداعى تۇراقتى جۇمىس ورىندارىنىڭ سانى 800-دەن 1370 ادامعا دەيىن ارتتى.ماكينسك قۇس فابريكاسى — قۇس ەتىن ءوندىرۋ جانە قايتا وڭدەۋ سالاسىنداعى قر ءىرى ينۆەستيتسيالىق جوباسى. كاسىپورىننىڭ 1 جانە 2-كەزەكتەگى ينۆەستيتسيالارىنىڭ جالپى كولەمى 48,5 ملرد تەڭگەدەن استى. 3-كەزەكتىڭ قۇرىلىسى بويىنشا جوسپارلاردى ىسكە اسىرۋ 2023 جىلى كاسىپورىننىڭ قۋاتىن جىلىنا 100 مىڭ توننا قۇس ەتىنە دەيىن ارتتىرادى, بۇل وسىمدىك شارۋاشىلىعىن دامىتۋدى جانە ىرگەلەس سالالاردا جۇمىس ورىندارىن قۇرۋدى ىنتالاندىرادى. كەڭەيتۋ جوباسى اياسىندا 40 ملرد تەڭگەدەن استام ينۆەستيتسيا تارتىلادى.ماكينسك قۇس فابريكاسى «Aitas» حولدينگىنىڭ قۇرامىنا كىرەدى. حولدينگ ستراتەگياسىنا سايكەس, 2030 جىلعا دەيىن 350 ملرد تەڭگەگە جۋىق ينۆەستيتسيامەن جىلىنا 350 مىڭ تونناعا دەيىن ەت ونىمدەرىن ءوندىرۋ كولەمىن ارتتىرۋ كوزدەلىپ وتىر. «2024 جىلعا قاراي ءبىز ىشكى نارىقتى وتاندىق ءوندىرىستىڭ نەگىزگى ازىق-ت ۇلىگىمەن, ونىڭ ىشىندە قۇس ەتىمەن تولىق قامتاماسىز ەتۋىمىز كەرەك. ماكينسك قۇس فابريكاسىنىڭ وندىرىستىك قۋاتىن ودان ءارى كەڭەيتۋ قازاقستاننىڭ ازىق-ت ۇلىك قاۋىپسىزدىگىن نىعايتادى», — دەدى ا. مامين. پرەمەر-مينيستر «ماكينسك قۇس فابريكاسى» جشس قۇراما جەم وندىرەتىن زاۋىتتىڭ جۇمىسىن باستاپ بەردى. جوبانىڭ قۇنى – 4,7 ملرد تەڭگە, جوبالىق قۋاتى – جىلىنا 150 مىڭ توننا.الداعى جىلدارى رەسپۋبليكادا جالپى قۋاتتىلىعى جىلىنا 175 مىڭ توننا ءونىم شىعاراتىن 12 جاڭا قۇس فابريكاسى جۇمىس ىستەي باستايدى. بۇل قۇس ەتىنىڭ يمپورتىن الماستىرۋ ماسەلەلەرىن تولىق شەشۋگە جول اشادى. سونداي-اق ا. مامين «ماكينسك جىلۋ وقشاۋلاۋ زاۋىتى» جشس جىلۋ وقشاۋلاعىش ماتەريالدارىن شىعاراتىن زاۋىتقا جانە جۇمىسپەن قامتۋدىڭ جول كارتاسى-2020 اياسىندا سالىنعان ماكينسك قالاسىنداعى مودۋلدىك قازاندىققا باردى.2020 جىلدىڭ 11 ايىنىڭ قورىتىندىسى بويىنشا اقمولا وبلىسىندا ونەركاسىپتىك ءونىم ءوندىرىسىنىڭ كولەمى 928,6 ملرد تەڭگەنى قۇرادى, بۇل وتكەن جىلعى كەزەڭدەگى كورسەتكىشتەن 6,6%-عا جوعارى, اۋىل شارۋاشىلىعىنداعى جالپى ءونىم كولەمى – 653,8 ملرد تەڭگە (+12,7%).